Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ta zgjedhësh Bullgarinë

БНР Новини
Foto: arkiv personal

Nuk është e vështirë të shikosh gjërat e mira në atdheun tënd. Por kur gjendesh nga ana tjetër, do të përbëjë një sfidë e madhe të nisesh drejt një shteti krejtësisht të panjohur. Më lehtë do të kuptojmë se cila është ajo gjë e cila i motivon të huajt të zgjedhin Bullgarinë dhe përse dashurohen pas saj, duke e pyetur një prej tyre. Takohemi me Avo Mbru. Ajo ka lindur në qytetin Akra (kryeqyteti i Ganës) dhe i kalon vitet e saj të fëmijërisë aty. Bashkë me prindërit e vet, në moshën 7 vjeçe ajo shkon në Britaninë e Madhe, ku përfundon arsimin e vet të mesëm dhe kolegj. Për një periudhë të shkurtër kohe bëhet vullnetare në një fondacion bamirësie. Pas kësaj vendos të studiojë mjekësi.

Avo na tregon se përse rruga e saj e jetës e sjellë pikërisht këtu në Bullgari?

Vendimi të studioj jashtë kufirit qe i lehtë. Por ku ta bëj – kërkonte një studim të madh. Fillova të kërkojë se ku mund të studioj mjekësi në Evropë dhe Bullgaria dukej si një nga vendet më të përshtatshme. Gjatë 3 vjetëve të fundit gjithnjë e më shumë studentë të huaj zgjedhin Bullgarinë, dhe unë doja që transferimi im të kalojë me ngadalë dhe pa probleme. Nga ana tjetër, arsimi dhe qëndrimi këtu janë mjaft të pranueshme. Këto janë gjërat bazë, për shkak të së cilës e zgjodha Bullgarinë.

Tani Avo është në semestrin e parë në Universitetin mjekësor në qytetin Plovdiv. Pasi të përfundojë arsimin e vet, nuk mendon të kufizojë qëndrimin e vet vetëm deri në një shtet. Ajo nuk do të ndalojë të shëtisë nëpër botë, të vizitojë edhe vende të tjera, mundet të kthehet dhe në Afrikë, por do që të vazhdojë të zgjerojë horizontin e vet. Dhe derisa është akoma këtu, duam të kuptojmë se çfarë pëlqen në vendin tonë?

Qyteti Plovdiv është një qytet shumë i bukur. Një qytet diellor, i cili ka vende shumë të bukura dhe interesante për shëtitje dhe për të parë. Vetë qyteti është i përshtatur shumë mirë për studentë. Kur erdha këtu, qesh e prezantuar përpara bashkësisë kishtare, ku gjeta dhe shokë të rinj. Më pëlqen se e ndiej veten të mbrojtur. Për shembull, mund të kalojmë kohë jashtë deri natën vonë me miq e shok dhe asnjë nuk na shqetëson. E pikërisht kjo është gjë e shkëlqyer.

Në qoftë se akoma nuk ka një vend të dashur, por kjo vjen nga fakti, se nuk ka shumë kohë të lirë për shkak të leksioneve në universitet. Kur do të fitojë mundësi të udhëtojë pak nëpër vendin tonë, ajo do të donte të shkojë deri në det dhe të shikojë qytetin e Varnës. Por çfarë mendon ajo për bullgarët?

Takova mjaft njerëz interesant. Kuptohet se, gjithmonë ke ndonjë farë dyshimesh, kur je i huaj, por njerëzit janë shumë të këndshëm. E kam takuar dhe të tillë, të cilët nuk sillen shumë mirë me mua, por kjo ndodh kudo nëpër botë. Shumë prej jush, kur shikojnë një person të huaj jeni pak të rezervuar dhe kërkoni të dini se përse ka ardhur këtu. Mendoj se, bullgarët duhet të mësohen me idenë që dhe të huaj jetojnë në vendin e tyre.

Kurse kur do t’i përfundojë studimet e veta dhe do të ikë, Avo di se ndonjë ditë do të kthehet në Bullgari, sepse ka kaluar një pjesë nga jeta e vet këtu, ka krijuar miqësi të reja dhe vet vendi ka lënë mbresë në vetëdijen e saj. Ja se çfarë u thotë atyre, të cilët akoma dyshojnë nëse duhet të vizitojnë Bullgarinë:

Thjesht e merrni këtë vendim dhe nuk duhet të keni paramendime. Kur të vini këtu është mirë të jeni të hapur dhe me një horizont të gjerë, por mos prisni nga njerëzit të ndajnë pikëpamjet tuaja dhe të jenë si ju. Është mirë të thithni një kulturë të ndryshme dhe të ndani një pjesë nga vetja juaj.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD