Priten procedura për mbi 150 mln euro, të cilat do të përdoren për inkurajimin e sipërmarrësve në Bullgari. Këtë e deklaroi Zëvendësministri i Ekonomisë Aleksandër Manolev gjatë konferencës “Perspektivat para startupeve në Bullgari”, e cila u zhvillua në Sofje. Ajo ishte pjesë e programit të Sofia Startup Expo 2018 (SSE), që u mbajt më 13 dhe 14 mars në kryeqytetin bullgar. Kjo është ekspozita më e madhe teknologjike në Bullgari, që përfshin forma inovative startup, menaxhimin e korporatave prijëse, agjenci shtetërore, investitorë, fonde për kapitale risku, banka dhe kompani të tjera nga mbarë bota.

“Disa prej gjërave që ndodhen në ekonominë tonë mbeten të padukshme dhe nuk u kushtojmë mjaftë vëmendje” – tha Aleksandër Manolev. Sipas fjalëve të tij aktualisht janë duke u zbatuar 82 marrëveshje të kompanive që po e startojnë veprimtarinë e tyre nga programi operativ “Inovacione dhe konkurruehsmëri”. Ai shpjegoi se gjatë pranverës së këtij viti do të startojë gjithashtu Programi për përkrahjen e sipërmarrësve me një buxhet prej 67 mln levash. Manolev është i bindur se në Bullgari tashmë ka një bashkësi të formuar startup, një ekosistem startup, që është në proces zhvillimi. Këtë e ripohon edhe mikpritja e vitit të kaluar nga ana e vendit tonë e çmimeve evropiane startup.