Shkrimtarja amerikane me famë botërore Elizabeth Kostova do të prezantojë historinë e saj të radhës që ka lidhje me Bullgarinë. Romani i saj i parë “Historiani” gjatë vitit 2005 ishte ndër librat më të shitur në klasifikimin e “New York Times”. Është një fakt kureshtar se romani i saj i ri “Toka e hijeve” gjallëron një histori tragjike nga e kaluara e afërt e Bullgarisë. Protagonistja – amerikanja Aleksandra Bojd mbërrin në Bullgari dhe do që të shlyejë fajin e saj për zhdukjen e vëllait. Pse pikërisht në Bullgari? Sepse Bullgaria është ajo pjesë enigmatike e botës, e cila e ka fituar zemrën aventureske të vëllait të saj. Çfarë është çmimi i mbijetesës në kushtet e një regjimi të ashpër politik, ndjenja e nderit, dashuria autentike ndaj artit? Këto janë vetëm disa prej pyetjeve, të cilat i provokon romani i Elizabeth Kostovës. Nëse “Toka e hijeve” do të ketë të njëjtin sukses si romani i parë i shkrimtares, i cili u publikua me një tirazh prej 5 mln ekzemplarësh, këtë do ta tregojë koha. “Historiani”, i publikuar në mbi 40 vende në tërë botën, është përfshirë në listën e “10 librave më të mira të vitit” të “USA Today”. Për këtë roman gjatë vitit 2005 Elizabeth Kostova u dekorua me çmimin “Quill” për “Debutim të vitit”.