Kryeministri Bojko Borisov e njohu homologun e tij hungarez me pozitën e vet, të cilën do ta prezantojë në takimin e punës në Bruksel të dielën për çështjet e migracionit dhe ofrimit të azilit.

Gjatë bisedës së tyre telefonike Borisovi ka deklaruar se Bullgaria si vend “i vijës së parë”, bashkë me Greqinë, Italinë e Spanjën nuk mund të pranojë pozitën për kthimin e migrantëve, të cilët tashmë ndodhen në Evropë, në shtet ku është bërë regjistrimi i tyre i parë në territorin e Evropës.

Borisovi ka thënë se do të insistojë për një analizë të hollësishme të flukseve të refugjatëve, të cilët mbërrijnë në Evropë. Në të duhet të përcaktohen saktësisht cilët janë ata që në të vërtetë kanë nevojë për strehim dhe cilët vijë në Kontinentin e Vjetër për arsye ekonomike.

Orbani e ka bindur Borisovin se e përkrahë plotësisht pozitën e tij për mbylljen e menjëhershme të kufijve të jashtme të Bashkimit Evropian. Ai ka pohuar se për sa i përket ripranimit të refugjatëve, Hungaria dhe shtetet e tjera të Katërshes së Vishegradit vazhdojnë të jenë “kundër”.