Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

ppIANISSIMO’ 2019 – nga pianoja e "zgjeruar" deri tek improvizimet spontane

Fillon edicioni XX i forumit ndërkombëtar për piano

Tricia Dawn Williams
Foto: triciadawnwilliams.com

Festivali për muzikë moderne të ekzekutuar në piano ppIANISSIMO do të zhvillohet midis datave 22 mars dhe 7 prill. Koncertet do të zhvillohen në studion numër 1 të Radios Kombëtare Bullgare dhe në sallën e koncerteve të Akademisë Kombëtare Muzikore “Profesor Panço Vlladigjerov” si dhe në Shkollën Kombëtare të artit muzikor dhe të vallëzimit “Dobrin Petkov” në qytetin Plovdiv.

Borisllava Taneva – drejtorja e festivalit prezanton programin: “Festivalin e hapim me koncertin e një pianiste jashtëzakonisht interesante nga Malta – Tricia Dawn Williams. Ajo do të prezantojë krijime të shkruara posaçërisht për të, të cilat interpretohen me një teknikë të veçantë për piano “të zgjeruar”. Trica ve disa byzylykë specialë në duart e saj dhe përmes disa elektrodave, të cilat aktivizohen nga lëvizja e muskujve të duarve të saj prodhohet tingulli i pianos – me fjalë të tjera nuk ka(ose pothuajse nuk ka) prekje direkte të tastierën ose të telave. Më 23 mars publiku do të dëgjojë recitalin e pianistit Konstantinos Destounis (ai është përfaqësues i Greqisë dhe i Britanisë së Madhe) – një muzikant shumë interesant i cili i përkushtohet shumë muzikës moderne. Pas kësaj kemi parashikuar një recital solo të Sofija Melikjan (përfaqësuese e Armenisë dhe Spanjës).
ppIANISSIMO vazhdon më 29 mars me recital në piano të Kotaro Fukuma nga Japonia. Mes veprave të cilat do t’i interpretojë janë ato të krijuara posaçërisht për këtë rast nga Somei Satoh dhe Allbena Vraçanska. Në program merr pjesë dhe ansambli vokal Cantanti Dai Monti Verdi me dirigjent SeverinVasilev. Ky koncert do të prezantohet ditën tjetër në Plovdiv. Ai është pjesë nga programi zyrtar i nismës “Plovdiv – kryeqyteti evropian i kulturës 2019”. Pas kësaj vjen recitali“Një lexim bullgar i sonatës” të pianistes sonë të shkëlqyer Margarita Ilieva. Ajo do të interpretojë sonata të kompozitorëve bullgarë, disa prej të cilave i janë përkushtuar asaj. Më 31 mars është koncerti i Stefka Perifanova (përfaqësuese e Bulgarisë dhe të Zvisrës) në të cilin marrë pjesë dhe unë, si dhe dy interpretuese në marimba – Doroteja Dimitrova dhe Zdravka Atanasova
.

Gjatë fundjavës së fundit “të zgjeruar” të festivalit /më 5 prill/ vjen për vizitë duoja Kersten Makkoll – flautë (Gjermani/ Holandë) dhe Kamelija Milladinova – piano (Bullgari/Holandë) – Gjithmonë interesante, gjithmonë sfiduese në interpretimet e veta(sipas profesoreshës Taneva), ato janë mes interpretuesve të rregullt në ppIANISSIMO. Kanë përfshirë në programin e tyre krijime nga Gjeorgji Arnaudovi, Pier Bulez, Bah e të tjerë. Koncerti i cili është pjesë e vargut të festivaleve “Portrete të Kompozitorëve” /më 6 prill/ është me pjesëmarrjen e pedagogëve dhe të doktorantëve nga Akademia Kombëtare Muzikore. Kurse kompozitori, portretin e të cilit do ta “pikturojnë” me muzikë është Stephen Gardner nga Irlanda. Koncerti është me iniciativë dhe me përkrahjen e ambasadës së Irlandës tek ne.

ppIANISSIMO JAZZ: “Improvizime Spontane” është edhe një koncert tjetër tradicional, me të cilin forumi për muzikë moderne i përkushton të detyrueshmen “muzikës së lirë”. Më 6 prill nën këto moto do të dëgjojmë pianistët e xhazit Ljubo Canev dhe Konstantin Kostov (Bullgaria/Gjermania) të cilat kanë përgatitur “pjesa origjinale të xhazit, improvizime të lira dhe... befasi të tjera kureshtare” siç është shënuar në program.

Dua të falënderoj jashtëzakonisht shumë Radion Kombëtare Bullgare, Ministrinë e Kulturës, Programin kulturor të kryeqytetit, Akademinë Kombëtare Muzikore, fondacionin “Pro Helveta”, Goethe institutin dhe akoma një varg të tërë firmash dhe ambasadash , të cilët e bënë të mundur këtë edicion” – thotë në përfundim Profesoresha Taneva.

Përgatiti në shqip: Nataniela Vasileva



Последвайте ни и в Google News Showcase, за да научите най-важното от деня!

Më shumë nga rubrika

Studioja vokale “Dëga” feston 30 vjetorin me një koncert

Studioja vokale "Dëga" (Ylber) do të mbajë një koncert festiv më 30 mars, kushtuar tre përvjetorëve të rrumbullakët - 30 vjet nga krijimi i formacionit, 40 vjet të veprimtarisë krijuese të Snezhana Polihronova - Kërnollski dhe 50 vjet të Shtëpisë së..

botuar më 24-03-29 8.25.PD

"Gënjeshtra dhe të vërteta"

SLNG është një nga grupet që kontribuuan në muzikën moderne bullgare në fillim të mijëvjeçarit të ri. Pas vdekjes së frontmenit Dimi Ekimov, SLNG u kthye në një formacion të rinovuar - Vlladi Mihajllov, i njohur edhe si vokalist i grupit SAFO dhe..

botuar më 24-03-28 8.15.PD
Tatjana Llollova

Ditën Botërore të Teatrit e shënojmë me një vepër nga projekti “Artistë që këndojnë”

Për më shumë se gjashtë dekada, 27 mars shënohet si Dita Botërore e Teatrit. Kjo datë festohet me ngjarje të ndryshme kushtuar teatrit në mbarë botën, përfshirë edhe në vendin tonë. Data u zgjodh në vitin 1961 në Kongresin e IX-të të Institutit..

botuar më 24-03-27 8.15.PD