Më 23 mars në Studion numër 5 të Pallatit Kombëtar të Kulturës në kryeqytet do të zhvillohet edicioni i dytë i “Alisës në botën e xhazit” – një spektakël muzikor dhe teatral, premiera e suksesshme e të cilit ishte gjatë muajit janar. Siç thuhet në afishen e shfaqjes ajo është për fëmijë nga 2 deri më 102 vjeç.

Regjisorja është Vasilija Drebova, skenografe – Elica Rozhiç, kurse skenariste – Nevena Grigorova, e cila e dërgon heroinën e Lewis Carroll në botën e çuditshme të muzikës. Aty Alisa takohet me instrumente të ndryshme dhe me stilet e larmishme të xhazit, mësohet të këndojë dhe të vallëzojë. E ndihmojnë  Metronomi, macja Dajna, Frymëzimi dhe muzikantët nga “Jazztet” me lider Ventzislav Blagoev, krijues i “Xhazit për fëmijë” – një projekt, i cili tanimë 9 vjet mbledh fëmijë nga moshat e ndryshme, duke i’u dhënë mundësi të improvizojnë në një skenë me muzikantë të njohur të xhazit. Në grup janë akoma – Stanislav Arabadjiev – piano, Dimitar Blagoev – kitarë, Vladimir Mihajlov – kontrabas , Stiu Ivanov – bateri dhe valltari Nikolla Simeonov.

Shfaqja realizohet me përkrahjen e fondit Kombëtar “Kulturë”, Programit “Debutime” dhe me ndihmën mediatike të Radios Kombëtare Bullgare dhe Televizionit Kombëtar Bullgar.