Filmi “Përbindëshat” (Monsters) nga Rumania i regjisorit Marius Olteanu është mbajtësi i dekoratës për film më të mirë të festivalit të sivjetshëm “Sofia film fest”. Dekorata speciale e jurisë ndërkombëtare 5-anëtarëshe i ishte dhënë prodhimit bullgar “ The Pig” të Dragomir Sholev, i cili ka startuar si projekt nga platforma profesionale për kinema në kuadrin e festivalit “Sofia Meetings”. “Puna e saj” (Her Job) është filmi më i mirë ballkanik në “Sofia film fest”  për vitin 2019. Shiriti tregon historinë e një amvise analfabete 37-vjeçe, e cila për herë të parë në jetën e saj fillon punë si pastruese. Pavarësisht nga ambienti i ashpër i punës, ajo rizbulon veten dhe fiton respektin e njerëzve.

"Ky është filmi im i parë me metrazh të plotë, tregoi për Radio Bullgarinë regjisori Nikos Labot. Gëzohem shumë se në Sofje publiku më priti përzemërsisht. Qesh këtu përpara 2 vjetëve, që të marrë pjesë në Sofia Meetings, me shpresën të mund të gjejë financim pikërisht për këtë film. Kam marrë pjesë dhe në festivalin e qytetit Ballçik me një film timin me metrazh të shkurtër. Bullgarët dhe grekët kanë një lidhje të prekshme, kinemaja në Bullgari po zhvillohet, por këtu financimi shtetëror mjafton për 2-3 filma për vit, derisa në Greqi – për 20-25 filma. Por, shyqyr që ka mundësi për prodhime të përbashkëta, të cilat janë mënyra e re e bashkëpunimit në sferën e kinemasë evropiane."