Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ngjarjet me adresë ballkanike

Turqia ndaloi importin e produkteve kafshore nga Kina

Foto: sozcu.com.tr

Hurrieyt Daily News bëri të ditur se Turqia ndalon përkohshëm importin e produkteve kafshore nga Kina si masë kundër përhapjes së koronavirusit të ri. Ministri i Shëndetësisë Fahrettin Koca shpjegoi se tani për tani importi i mishit dhe i produkteve prej kafshëve më të ndryshme ndalohet, sepse virusi mund të transmetohet prej kafshëve në njerëz. Për momentin e tanishëm nuk është e qartë se çfarë kafshe ka shkaktuar përhapjen e virusit.


Kryeministri i Kosovës, Albin Kurti, u takua me Ambasadorin e ri të Bullgarisë

Foto: kryeministri-ks.net

Takimi mes Kryeministrit të ri të Kosovës, Albin Kurti, dhe Ambasadorit të jashtëzakonshëm dhe fuqiplotë të Bullgarisë, Hristo Guxhev, kaloi në atmosferë të këndshme dhe miqësore. Përfaqësuesi i Sofjes e uroi Kryeministrin Kurti për marrjen e detyrës së re dhe njëherit i uroi suksese të mëtutjeshme. Gjatë takimit Kryeministri Kurti mori mbështetje nga shteti bullgar për idetë progresive të qeverisë së re, e me theks të veçantë në atë të arsimit. U diskutua mundësia që Bullgaria ta ndihmojë qeverinë e re në realizimin e reformave në kontekstin e perspektivës euroatlantike të vendit si pjesë e Ballkanit Perëndimor.


Greqia emëron në punë akoma 800 policë kufitarë për kontroll të refugjatëve

Foto: BGNES

Ministria e Mbrojtjes Civile në Athinë shpalli se për shkak të presionit të madh të refugjatëve Greqia do të emërojë në punë akoma 800 policë kufitarë, të cilët do të dislokohen në tetë ishuj të ndryshëm në skajin verilindor të Detit Egje. Ndoshta policët kufitarë do të dislokohen në Lesbos – 240 veta, në Samos – 180, në Hios – 160, në Kos – 100 dhe në akoma katër ishuj më të vegjël. Në fund të janarit të këtij viti u shpall konkurs për emërimin e akoma 400 policëve të tjerë, të cilët të dislokohen në kufirin me Turqinë.


Pragu i hyrjes në Parlamentin serb u bë 3 për qind

Foto: BTA

Me propozim të Partisë Progresive Serbe, me korrigjime në Ligjin për zgjedhjen e deputetëve dhe në Ligjin për zgjedhjet vendore Parlamenti serb uli pragun e hyrjes së partive në organin ligjvënës nga 5 në 3 për qind. Zgjedhjet parlamentare në Serbi do të zhvillohen më 26 prill. Presidenti Aleksandër Vuçiç që tani shpalli se ai do të jetë në krye të listës së Partisë Progresive Serbe.


Oligarku më i madh maqedonas pa pasaportë

Foto: BGNES

Mediat maqedonase njoftojnë se Orce Kamçev, i cili është shpallur oligarku më i madh maqedonas, mbetet pa pasaportë ndërkombëtare me vendim të Gjykatës së Apelit në Shkup. Oligarku propozoi që të japë 3 mln euro garanci, por gjykata e refuzoi këtë. Kamçev është ndër të dyshuarit kryesorë në procesin gjyqësor “Perandoria”, ku ka akuza për larjen e parave të pista dhe financimin e paligjshëm të partisë së ish-kryeministrit Nikola Gruevski, i cili aktualisht gjendet në Hungari, si dhe për krime të tjera të rënda. Me vendim të autoriteteve gjyqësore është marrë pasaporta bullgare e Orce Kamçevit.


Arabët blejnë në masë pronë të patundshme në Bosnjë e Hercegovinë

Qendra e gazetarisë hulumtuese njoftoi se shtetasit arabë blejnë në masë pasuri të patundshme në Bosnjë e Hercegovinë dhe deri tani kanë marrë mbi 15 mln metra katrorë tokë dhe qindra pasuri të patundshme në Sarajevë. Pasuritë e patundshme në rrethin e Sarajevës, të cilat janë pronë vetëm e shtetasve nga Lindja e Mesme dhe Afrika e Veriut janë kryesisht terrene prej 15.3 mln metrash katrore. Vetëm një pjesë e vogël prej tyre përfshin banesa, vë në dukje qendra.

Përpiloi: Stoimen Pavllov

Përgatiti në shqip: Vesella Mançeva

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD