Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

„Nga koleksioni i Radio Bullgarisë”

Gjuha bullgare është e pranishme në një prej dokumenteve zyrtarе të Namibisë

| rinovuar më 20-05-22 8.15.MD
Foto: pinterest.com

Bashkatdhetar tanët jetojnë nëpër të gjitha kontinentet, por lajmet për arritjet e tyre dhe punën e bërë në dobi të Bullgarisë rrallë hyjnë në fokusin e vëmendjes shoqërore. Një nga këta bullgarë është konsulli i nderit i vendit tonë në Namibinë e largët – Mihaill Mihajllov. Mbase shumë prej jush do të pyesin se çfarë lloji marrëdhëniesh mund të mbajë Bullgaria me një shtet afrikan. Përgjigja do t’ju befasojë:  

"Në Namibi dinë shumë për Bullgarinë, me qenë se vendi ynë ka treguar një përkrahje të madhe në luftën çlirimtare të këtij populli që nga regjimi kolonial i aparteidit deri në vitin 1990 (politika e ndarjes raciale, e aplikuar nga pakica e bardhë në Republikën e Afrikës së Jugut që nga viti 1948) – tregon Mihajllov.

“Sot e kësaj dite gjatë çdo një vizite të delegacioneve bullgare, ata shprehin falënderimin e vet për këtë përkrahje. Përveç kësaj një pjesë e madhe nga studentët namibianë, të cilët i kanë përfunduar studimet e tyre gjatë vitit 1989 në Bullgari, tani zënë poste përgjegjëse në drejtimin e Namibisë dhe tregojnë simpatinë karakteristike për ta ndaj vendit tonë

Një fakt tjetër kureshtar nga historia e shtetit të ri është i lidhur me një nga dokumentet, me të cilat gjatë vitit 1990 Namibia shpall pavarësi nga fqinja e vet jugore – Republika e Afrikës së Jugut.

Protokolli i parë është i shkruar në gjuhën bullgare, me qenë se pjesa më e madhe nga ata të cilët kanë marrë pjesë në përgatitjen e këtij dokumenti i kanë përfunduar studimet e tyre në Bullgari. Ata janë njerëz nga fiset e ndryshme, të cilët flasin gjuhë të ndryshme, por në këtë moment gjuha bullgare i ka bashkuar” – vazhdon konsulli i nderit.

Gjatë nëntorit të vitit të kaluar një vizitë zyrtare në Namibi zhvilloi zëvendëskryeministrja dhe ministre e punëve të jashtme Ekaterina Zaharieva.

Ministrja bullgare e punëve të jashtme Ekaterina Zaharieva me presidentin e Republikës së Namibisë Hage Gottfried Geingob - në nëntor 2019.

Mihaill Mihajllov e përcakton vizitën si shumë të suksesshme. “Pavarësisht se në këtë etapë Bullgaria nuk ka marrëdhënie shumë intensive me Namibinë, kjo vizitë vuri themelet, që ato të zhvillohen fare shpejt” – mendon Mihajllov. Sipas fjalëve të tij, qarkullimi më i madh në marrëdhëniet e përbashkëta ekonomike  bullgaro-namibiane formohet nga eksporti  i mineralit të bakrit të përpunuar bullgar.Largësia e Namibisë nga Bullgaria dhe popullsia e saj e vogël prej afro 2 milionë vetash përcakton një këmbim shumë të ulët tregtar. Por në fusha të tjera, si kultura dhe arsimi, krijohen mundësi për marrëdhënie të mira të përbashkëta, dhe ne do t’i përdorim në të ardhmen”. Në lidhje me këtë janë nënshkruar dy marrëveshje të reja:

Marrëveshja kulturore parashikon vizita të përvitshme të artistëve namibianë në Bullgari dhe të atyre bullgarë në Namibi. Do të zhvillohen spektakle tematike, ekspozita, filma, sipas kësaj e cila është aktuale në këtë moment. Marrëveshja në sferën e arsimit, parashikon që studentët namibianë përsëri të pranohen për t’u arsimuar në Bullgari”.

Jashtë veprimtarisë së vet diplomatike, Mihaill Mihajllov është autor i disa librave me tema të larmishme dhe intriguese. Për novelën e tij “Mëkati i fisit të bushmenëve”, në të cilën tregohet për jetën e një fisi afrikan në zhdukje, ai fiton çmimin “Shkrimtari i Afrikës”. Vepra e tij është mes librave më të shitur në Namibi. Mihajllov është bullgari i parë i dekoruar me çmimin prestigjioz.

Në një libër tjetër të vet, Mihajllov  përshkruan aventurat e tij gjatë periudhës së gjahut. Titulli i tij ”Gjah dhe dashuri” tingëllon në mënyrë pak paradoksale, por gjahu me të vërtetë mund të jetë shprehje e dashurisë ndaj natyrës dhe ndaj kafshëve – na bind bashkatdhetari ynë. “Çdo gjë të cilën e provon njeriu gjatë kohës së ndjekjes, gjetja, takimi me kafshët është më i fortë sesa gjuajtja e fundit” – tregon Mihaill Mihajllov. Pavarësisht dhe vetëm hobi, shkrimi është gjë e rëndësishme për Mihaill Mihajllovin, me qenë se kjo është një mënyrë të kthehet drejt vetes së vet. "Më tepër më interesojnë temat serioze të përgjithshme njerëzore. Në procesin e shkrimit provoj një kënaqësi t’i rikrijoj, të jetojë derisa shkruaj dhe të ëndërroj.

Përgatiti në shqip: Nataniela Vasileva

Foto: arkiv personal dhe BGNES


Последвайте ни и в Google News Showcase, за да научите най-важното от деня!

Më shumë nga rubrika

Fillojnë të Dyzetat e Shenjta

Sot fillon Kreshma e Madhe, më e gjata në kalendarin e Kishës Ortodokse. Javët e para dhe të fundit janë një agjërim i rreptë dhe përveç ushqimeve shtazore dhe qumështore, të cilat janë të përjashtuara gjatë gjithë periudhës së agjërimit, nuk..

botuar më 24-03-18 9.56.PD
Panço Vlladigerov

Festojmë 125 vjet nga lindja e kompozitorit Panço Vlladigerov

Më 13 mars 1899 lindi në Cyrih të Zvicrës kompozitori, muzikanti, dirigjenti dhe mësuesi i madh bullgar Panço Vlladigerov. Ai luante piano dhe kompozonte që në moshë të re. Është autor i veprave të shumta në zhanre të ndryshme - opera, balet,..

botuar më 24-03-13 8.15.PD

Në të Dielën e të Lidhurit të Mishit fillon kalimi në agjërimet e gjata të Pashkëve

Gjithmonë të dielën, tetë javë para Pashkëve, të krishterët ortodoksë festojnë të Dielën e të Lidhurit të Mishit (Mesni Zagovezni). Gjatë liturgjisë, Kisha kujton figurën e Ditës së Gjykimit përmes teksteve në Shkrimet e Shenjta. Aty preken temat e..

botuar më 24-03-10 7.10.PD