Radioja Kombëtare Bullgare © 2020 Të gjitha të drejtat janë të rezervuara

Mihail Krëstanov: Brazili mund të bëhet Italia e dytë për COVID-19

S’ka bullgarë të infektuar në Brazil, por bashkatdhetarët tanë janë të shqetësuar

Foto: wikipedia.org

“Brazilia e kishte fatin që të jetë ndër vendet e prekura relativisht vonë nga koronavirusi. Por ky shans ishte humbur. Në fillim autoritetet nuk ndërmorën masat e domosdoshme, sepse qeveria nënvlerësoi situatën. Masat e duhura janë në fuqi tani, por ato janë tepër të vonuara” – këtë e tha në intervistë për Radio Bullgarinë Mihail Krëstanov – një bullgar, i cili prej vitesh jeton në Brazil.

Ai është themeluesi i shkollës së parë bullgare në Amerikën Jugore. Ai pohoi fjalët e veta duke shpjeguar se virusi përhapet nga brazilianët, të cilët kthehen nga Italia dhe të cilët kanë qenë aty për punë apo për pushime. Të tilla kanë qenë 15 rastet e para në vend. Aktualisht në Brazil janë mbyllur të gjitha shkollat, shtyhen apo anulohen ngjarjet kulturore, punojnë vetëm dyqanet ku shiten ushqime, farmacitë dhe bankat. Arsimi dhe puna kudo që ka mundësi zhvillohen nga distanca.

Aktualisht të prekurit nga COVID-19 në Brazil janë 529. 350 prej tyre jetojnë në Sao Paolo – një nga qytetet, ku jetojnë më shumë bullgarë (qytetet e tjera me bullgarë janë Rio de Zhaneiro dhe Manaus). Në të gjithë vendin, sipas të dhënave të Ministrisë së Punëve të Jashtme, jetojnë rreth 3 mijë bullgarë, por në fakt ndoshta ata janë më shumë.

Shkolla bullgare e së dielës në Brazil, udhëheqësi i së cilës është Mihail Krëstanov, gjithashtu punon nga distanca:

Kemi mjaftë përvojë në mësimdhënien online, por deri tani ajo urrë nuk ka qenë mënyra e vetme e punës sonë. Kjo është sfidë e vërtetë. Diaspora bullgare është prej njerëzve inteligjentë. Shumë prej tyre merren me veprimtari kulturore, apo janë profesorë në universitete. Tani janë mbyllur në shtëpi bashkë fëmijët e tyre dhe nuk dalin dot”.

Bashkatdhetarët tanë aty janë shqetësuar dhe nga fakti se në se në Bullgari është aplikuar kontroll i rreptë i mbajtjes së distancës në dyqane dhe në farmaci, në Brazil masa të tilla nuk ka. Një problem tjetër i madh i vendit janë të pastrehët të shumtë – ata preferojnë vendet ku ka më shumë njerëz, ku më lehtë mund të kërkojmë para dhe ushqim. Në se në lagjet më të varfra (favele), ku ndërtesat e vogla janë ngjitur me njëra-tjetrën, shfaqet sëmundja, brenda një-dy ditësh të gjithë banorët do të jenë të infektuar, mendon Krëstanovi. Sipas tij Brazili mund të kthehet në Italinë e Amerikës së Jugut sa i përket përhapjes së virusit të ri. Por situata mund të bëhet dhe akoma më e keqe. “Sepse po jemi në fillim të krizës dhe numri real i të infektuarve nuk është i qartë. Shpresoj të mos bëhet kështu, por më duket se para Brazilit ka një sfidë të madhe, të cilën duhet ta përballojë” – është i mendimit Mihaili.

Sipas fjalëve të tij tani për tani në Brazil s’ka asnjë bullgar të infektuar me COVID-19. Por kriza aktuale do të sjellë probleme të shumta ekonomike dhe kjo shqetëson bashkatdhetarët tanë.

S’ka se si të mos kenë merak, sepse kriza po troket në derë. Gjatë dy javëve të fundit dollarit forcohet vazhdimisht dhe në të njëjtën kohë çmimi i realit brazilian ulet. Prandaj e gjithë diaspora bullgare këtu është e shqetësuar”, thotë Krëstanovi.

Përgatiti në shqip: Jordanka Ivanova

Foto: arkiv personal

Më shumë nga rubrika

Ngjarjet me adresë ballkanike

Samiti BE – Ballkani Perëndimor shtyhet për shkak të Covid-19 Me qëllim kufizimin e përhapjes së pandemisë së Covid-19 Presidenca kroate e BE-së vendosi që të shtyjë të gjitha takimet dhe konferencat joformale të planifikuara deri në 15 maj. I tillë..

botuar më 20-04-09 2.26.MD

COVID-19: Jeta në Bullgari po kalon online

Kufizimet e rrepta në lëvizje dhe udhëtime ndryshuan shumë jetën dhe punën e bullgarëve. Gjithnjë e më shumë veprimtari organizohen online dhe nuk kërkojnë praninë fizike të njerëzve. Praktika nuk është krejtësisht e panjohur deri tani në vend, por..

botuar më 20-04-08 12.14.MD

COVID-19: Më se 200 ndërmjetës shëndetësorë janë në vijën e përparme në punën me grupet e pakicave

Të mbyllur prapa kordonëve të policisë, mijëra njerëz janë në nevojë në lagjet e romëve. “Uria po vjen për gjithnjë e më shumë familje në nevojë, por problemi i tyre nuk gjen zgjidhje adekuate”, thekson profesori Ivajllo Tërnev, shef i klinikës në..

botuar më 20-04-07 2.55.MD