Radioja Kombëtare Bullgare © 2020 Të gjitha të drejtat janë të rezervuara

Speleologu Atanas Rusev: Kur kriza trokas në derë duhet të jemi të bashkuar që të dalim prej saj

Në Qyteti Pernik ka regjim të ujit që nga 18 nëntori e këtej. Sipas grafikut të fundit banorët kanë ujë nga 10 orë brenda 24 orëve.

Niveli i liqenit artificial “Studena” i cili furnizon tërë qytetin dhe fshatrat përreth me ujë uli deri në minimumin kritik në nëntor të vitit të kaluar. Kjo u bë shkak për një krizë me ujin për 100 mijë banorët e qytetit Pernik pikërisht gjatë dimrit kur shirat bien rrallë, ndërsa shkrirja e dëborës pritet që në pranverë. E gjithë kjo imponoi vendosjen e regjimit të ujit. Ndërkohë qeveria mori vendim për ndërtimin e një tubacioni për furnizimin alternativ të qytetit me ujë. Impianti i cili është me gjatësi 13.5 kilometra dhe kushton 20 milion leva, tani po testohet.

"Kriza në qytetin Pernik mund të zgjidhet!" – tha speleologu Atanas Rusev. Që prej dekadash ai studion rajonin karstik në afërsi të fshatit Bosnek që shtrihet në krahinën e qytetit Pernik. Prej kohe ai ka ide për të optimizuar burimet ekzistuese në rezervuarin ku mblidhet uji për tërë krahinën – liqenin artificial “Studena”.

Menjëherë pasi mori lejen nga Ministria e Zhvillimit Regjional për realizimin e idesë, Atanas Rusevi bashkë me ekip kolegësh ngjitën në malin Vitosha ku zbuluan një kapje të paligjshme të ujit nga ku devijoheshin sasi të mëdha, nja nga 200-300 litra ujë për sekondë. Kështu me punën e Rusevit dhe vullnetarëve speleologëuji rrjedh prapë te liqeni artificial “Studena”.

Indinjuar nga veprimet e paligjshme të njerëzve të paskrupull  të cilët tekstualisht “vjedhin” ujin e liqenit, për më tepër në kohën e krizës, Atanas Rusevi ngul këmbë që të ketë jo vetëm kontroll por edhe ndëshkime më të rrepta për fajtorët.

Më se tre muaj punojmë dhe shikojmë të dhënat e reja për rrjedhjen te penda “Studena”. Nivelet janë të reja dhe të dhënat janë shpresëdhënëse. Çdo ditë kontrollojmë situatën dhe shikojmë se sasi të mëdha uji derdhen në pendë. Pasi paraqitëm qëndrimin tonë prej eksperti regjimi i ujit në qytetin Pernik u lehtësua dhe tendenca është që ai të hiqet së shpejti. Që prej 30 vitesh nuk shfaqet kujdes ndaj Kanalit Ujor Palakrijski. Ato janë impiante shumë të mira të projektuara dhe të ndërtuara nga inxhinierë bullgarë. Mirëpo, ato kërkojnë një mirëmbajtje të rregullt. Menaxhimi i keq dhe gabimet njerëzore janë shkaqet për regjimin e ujit në qytetin Pernik dhe në fshatrat përreth."

Sipas speleologut Atanas Rusev rezervuarët e ujit kërkojnë një mirëmbajtje të përhershme.

"Lumi Struma e ka gërryer udhën te fshatrat Bosnek dhe Çujpetlovo (vendbanimi i parë përmes të cilit kalon lumi). Në se aty nuk do të ndërmerren masa udha lidhëse midis këtyre dy fshatrave në malin Vitosha do të shkatërrohet dhe do të sjell dëme të mëdha. Kërkohet një mirëmbajtje e përherëshme e resurseve ujore dhe menaxhimi i tyre i arsyeshëm. Kjo mungonte deri tashti. Më bënë përshtypje të keq që njerëzit edhe tashti në krizën me koronavirusin mendojnë si të bëjnë biznes, si të fitojnë, në vend të qëndrojnë në shtëpi dhe të ndihmojnë për daljen më të shpejtë nga situata. Përderisa nuk do të ndryshojmë mënyrën e të menduarit tonë, nuk do të jemi forcë të qëndrojmë përballë fatkeqësive. Duhet të jemi të bashkuar dhe të mos mendojmë për fitimin e vet dhe sesi të pasurohemi sa më shpejtë. Duhet të mendojnë sesi të gjithë të jenë mirë, të jenë me shëndet të plotë dhe të jetojnë normalisht."

Përgatiti në shqip: Svetllana Dimitrova

Foto: mrrb.bg, arkiv personal

Më shumë nga rubrika

Ngjarjet me adresë ballkanike

Samiti BE – Ballkani Perëndimor shtyhet për shkak të Covid-19 Me qëllim kufizimin e përhapjes së pandemisë së Covid-19 Presidenca kroate e BE-së vendosi që të shtyjë të gjitha takimet dhe konferencat joformale të planifikuara deri në 15 maj. I tillë..

botuar më 20-04-09 2.26.MD

COVID-19: Jeta në Bullgari po kalon online

Kufizimet e rrepta në lëvizje dhe udhëtime ndryshuan shumë jetën dhe punën e bullgarëve. Gjithnjë e më shumë veprimtari organizohen online dhe nuk kërkojnë praninë fizike të njerëzve. Praktika nuk është krejtësisht e panjohur deri tani në vend, por..

botuar më 20-04-08 12.14.MD

COVID-19: Më se 200 ndërmjetës shëndetësorë janë në vijën e përparme në punën me grupet e pakicave

Të mbyllur prapa kordonëve të policisë, mijëra njerëz janë në nevojë në lagjet e romëve. “Uria po vjen për gjithnjë e më shumë familje në nevojë, por problemi i tyre nuk gjen zgjidhje adekuate”, thekson profesori Ivajllo Tërnev, shef i klinikës në..

botuar më 20-04-07 2.55.MD