Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

8 instrumente financiare do të përkrahin biznesin dhe qytetarët në Bullgari

Foto: BTA

Nëpërmjet 8 instrumenteve të ndryshme financiare me resurs publik prej rreth 4.5 mlrd levash (2.3 mlrd euro) shteti do të përkrahë biznesin e vogël dhe të mesëm, personat që i paguajnë vetë kontributet e sigurimeve shoqërore dhe ata që janë me leje pa pagesë për shkak të pandemisë së Covid-19. Këtë e deklaroi në një briefing të posaçëm Ministri i Financave Vlladisllav Goranov në prani të Kryeministrit Bojko Borisov.

Masa e parë parashikon livrimin e kredive pa interes në përkrahje të njerëzve që nuk kanë mundësi për të punuar në kushtet e epidemisë. Ajo starton nëpërmjet Bankës shtetërore bullgare për Zhvillim dhe do të administrohet nga 12 banka tregtare me degë në tërë vendin. Theksi i saj është tek personat fizikë dhe ata që vetësigurohen, të cilët mund të marrin 4500 leva (2300 euro). Huamarrësit duhet të fillojnë ta paguajnë borxhin në kuadrin e 24 orëve dhe ta shlyejnë përfundimisht deri në 5 vjet. Personat fizikë që aplikojnë për këtë masë duhet të kenë të paktën 5 dite pune gjatë muajit mars, në qoftë se ky është muaji, në të cilin punonjësi ka dalë me leje pa pagesë.

Instrumenti i dytë ka të bëjë me livrimin e kredive pa garanci deri në 300 000 leva (153 000 euro) në përkrahje të ndërmarrjeve të vogla dhe të mesme. Këto kredi gjithashtu do të administrohen nga Banka bullgare për Zhvillim nëpërmjet bankave tregtare. Portofoli i pritur i kredive përmes këtij instrumenti mund të arrijë 2 mlrd leva (rreth 1 mlrd euro). Ndër kriteret për dhënien e këtyre kredive do të jenë ulja e xhiros tregtare gjatë tremujorit të parë të vitit 2020 në krahasim me periudhën e njëjtë të vitit të kaluar, furnizime të papaguara dhe të ndërprera që nga fillimi i marsit të vitit 2020.

Afati i aplikimit edhe për dy instrumentet është deri në fund të 2020-ës.

Ndër masat e parashikuara ka një instrument për investimet e kapitalit. Ai ka qëllim të përkrahë kompanitë me potencial për të përkrahur dhe rimëkëmbur ekonominë pas krizës, sidomos në sferën e inovacioneve dhe digjitalizimit. Këto janë rreth 400 firma, kryesisht ndërmarrje inovative, të cilat po e startojnë tani veprimtarinë e vet.

Fondet për zhvillimin urban janë një instrument tjetër, i cili përbën interes në periudhën e krizës. Me to mund të ndihmohen veprimtari, të cilat financohen vështirë nëpërmjet veprimtarisë së zakonshme bankare. Përfituesit mund të jenë bashki, partneritete publiko-private dhe ndërmarrje në fushën e turizmit dhe të transportit, të cilët janë prekur drejtpërsëdrejti nga situata e koronavirusit.

Ministri Goranov shprehu shpresë se mjetet e livruara do të zbutin pasojat negative të krizës.

Përgatiti në shqip: Vesella Mançeva

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

Asen Vasilev

Kur plotëson kriterin e inflacionit, Bullgaria hyn në Eurozonë

Bullgaria do të mund të hyjë në Eurozonë kur të mbulohet kriteri i inflacionit. Kështu tha ministri i фinancave në dorëheqje Asen Vasilev në Kuvendin Popullor, gjatë diskutimeve lidhur me Holdingun Bullgar Energjetik. Vasilev vuri në dukje se..

botuar më 24-03-29 5.07.MD

“OMV Petrom” merr përsipër kërkimin e gazit në zonën bullgare të Detit të Zi

Kompania rumune “OMV Petrom”, e cila është pjesë e OMV austriake, do të operojë plotësisht bllokun detar “Han Asparuh”. Në koncesionin për kërkimin e gazit kompania merr përsipër pjesëmarrjen e deritanishme të kompanisë franceze “TotalEnergies”...

botuar më 24-03-27 11.42.PD

Çmimet e banesave në Bullgari janë rritur me 10% brenda një viti

Në tremujorin e katërt të vitit 2023, çmimet e banesave në Bullgari janë rritur me 10,1% krahasuar me tremujorin e katërt të vitit 2022. 10,5% është rritja e çmimeve të banesave të reja dhe 9,8% e banesave ekzistuese. Këtë e tregojnë të dhënat e..

botuar më 24-03-25 3.57.MD