Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pranvera është stina e kafshëve shtëpiake të braktisura

| rinovuar më 20-05-18 7.55.PD
Foto: four-paws.bg

“Po kërkoj shtëpi... Ishin të hedhur në shkurre...” ose “Nënën e tyre e helmuan, ndërsa ata janë të pafuqishëm...” Zakonisht kështu fillojnë historitë e shumicës së kafshëve të cilët çdo ditë mund të shihen në rrjetet sociale. Me ardhjen e pranverës këto raste bëhen gjithnjë e më të shpeshta. Të lëna asgjëkund kafshët e kanë shansin të mbijetojnë vetëm në se hasin njerëz me zemra të mira të cilët janë gati të marrin përsipër kujdesin për ta ose të gjejnë për ta shtëpi të përhershme. Për fat të keq, njerëzit që janë të prirë të hapin shtëpitë e tyre dhe të kujdesen për ta tashmë kanë nga disa kafshë të shpëtuara nga rruga dhe vështirë arrijnë të pranojnë të reja. Sot për shkak të masave kundër epidemisë dhe regjimit kufizues hasen raste të reja të qeneve dhe maceve të braktisura. Shkaku është se për ta kujdeseshin në objekte të larguara që u mbyllën për shkak të epidemisë dhe për arsye të pamundësisë së udhëtimit, njerëzit të cilët kujdeseshin për ta preferuan t’i lënë të kërkojnë vetë ushqimin. 

“Si te çdo një krizë, viktimat e para janë kafshët shtëpiake, të cilat mbeten në rrugë – thotë Javor Geçev nga Organizata për Mbrojtjen e Kafshëve “Katër Putra”. – Ky është një fenomen që shihet edhe në përmasë botërore. Te ne kombinimi i këtyre faktorëve me ekzistencën e kafshëve endacake bënë që numri i tyre të shtohet. Ato mund të ishin më pak sot, në se gjatë të gjitha këtyre viteve që kur i zhvillonim fushatat tona për kufizimin e popullatave të tyre, aplikohej ndonjë formë e kontrollimit të pronarëve të kafshëve shtëpiake.”

Megjithëse ekzistojnë korniza ligjore për qenët  mungon kontrolli i aplikimit të tyre, thekson eksperti. Përsa u përket maceve ato fare nuk janë objekt të rregullimit nga ligjvënësi. Qenët për gjah gjithashtu janë të çliruar nga taksa, por ata janë ndër kafshët shtëpiake më shpesh të braktisura.

“Lehtësimi i regjimit të mbajtjes së qenit për qëllime gjuetie nuk është i arsyetuar, madje nuk u shtrua për diskutim në popull. Nuk u mendua mirë dhe nuk u vlerësua miratimi i një teksti të tillë. Me siguri kjo kontribuon për braktisjen e tyre, sepse mbi ta nuk ka asnjë kontroll. Dhe ky është një nga problemet thellësia e të cilit mezi tani do të dalë në pah.”

Krahas kësaj pranvera është stina në të cilën shtohet adoptimi i kafshëve shtëpiake. Për të parandaluar braktisjen e tyre organizatat të cilat i shpëtojnë shtrojnë një sërë kërkesash në kontrata paraprake me adoptuesin e ardhshëm.

Në kohën e masave të rrepta kufizuese për shkak të koronavirusit shëtitja në park ishte e lejuar vetëm për ata njerëz që kanë qenë. Mirëpo kjo nuk u bë shkak për adoptim të madh të qenve.

“Shumica e adoptuesve të kafshëve të braktisura e kanë marrë këtë vendim në mënyrë të arsyetuar. Nuk besoj, se ka njerëz të cilët mund të adoptojnë një qen vetëm për shëtitjet në park. Ose të paktën nuk dëshiroj të besoj se ka njerëz të tillë. Sidoqoftë është një fakt pozitiv se adoptohen më shumë kafshë.”


Në fund të fundit gjithçka varet nga përgjegjësia dhe ndërgjegjja personale e njerëzve, sepse kujdesi për kafshët shtëpiake është si ajo për anëtar të familjes, i cili u shpreson vetëm neve.

Përgatiti në shqip: Svetllana Dimitrova

Foto: four-paws.bg


Последвайте ни и в Google News Showcase, за да научите най-важното от деня!

Më shumë nga rubrika

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD
Doc. Iskren Ivanov

Doc. Iskren Ivanov: Bankierët kanë frikë se do të shpallen emrat e evropianëve me ndikim që ndihmuan dhe po e ndihmojnë Moskën

Një konsensus parimor se si të ndihmohet Ukraina për të blerë armë dhe municione - kjo është ajo që liderët evropianë arritën në Këshillin e fundit Evropian. Ose paratë të vijnë nga të ardhurat e grumbulluara nga asetet ruse të “ngrira” për..

botuar më 24-03-27 7.55.MD