Radioja Kombëtare Bullgare © 2020 Të gjitha të drejtat janë të rezervuara

Telemjekësia po avancon në Bullgari

Ekzaminimi virtual tek mjeku bëhet fare real përmes një aplikacioni të ri në celular

Foto: EPA/BGNES

Vetëm për dy muaj, në kushtet e izolimit social, në mënyrë të papritur në të gjitha aspektet e jetës sonë hyri forma e takimit dhe e komunikimit nga largët, të cilat përpara kësaj dukeshin si të pamenduara. Deri vonë pacientët lidheshin me mjekët e vet përmes platformave dhe rrjeteve sociale, shpesh edhe më pak të specializuara. Kjo u dha ide specialistëve bullgarë të softuerit të krijojnë një platformë, e cila të ndihmojë për një prani të shpejtë deri tek mjeku dhe një monitorim në mjedisin virtual. Aplikimi mobil mund të  shkarkohet falas në telefon ose në kompjuter, ku secili me një lehtësi mund të orientohet dhe të marrë udhëzime sesi të punojë me të.

Për disa mjekë, të cilët në kohën e izolimit social nuk mundën t’i ekzaminojnë pacientët e vet në kabinet, ky aplikim qe mënyra e vetme e mundshme që të mos e ndërpresin praktikën e vet.  Numri i tyre  mes të regjistruarve në platformën shëndetësore pak nga pak u shtua, ku më të kërkuar gjatë javëve të fundit dolën specialistët në psikiatri, në pediatri, dermatologji dhe gjinekologji.

“Në mënyrë tepër të qetë mund të themi se, telemjekësia ka punuar dhe përpara se të futen masat anti-epidemike. Ato vetëm e përshpejtuan procesin e aplikimit më të zgjeruar. Nxitoj të shënoj se, ne nuk kemi ndërmend të zëvendësojmë vizitën tek mjeku, por të japim një kanal shtesë, i cili deri përpara kësaj nuk ka ekzistuar” - këtë e thotë Josif Dishliev, bashkëthemelues i platformës Healee.

Foto: arkiv personal

“Ideja për platformën erdhi përpara 3 vjetëve - shënon IT specialisti. - Donim që t’u japim mundësi pacientëve të mund të gjejnë mjekun e drejtë  dhe shumë shpejt të realizojnë bisedë me të. Nga ana tjetër, donim që tu japim mjekëve instrument - një aplikim softuerik, me të cilin të mund të organizojnë  komunikimin përmes internetit me pacientët. Platforma është unikale, ajo nuk ka analog. Tanimë ka dhe kompani të sigurimeve, të cilët e përdorin.

Aplikimi falas jep jo vetëm mundësi për konsultim të besueshëm në video me mjekun. Përmes tij  dërgohet regjistri elektronik mjekësor, analizat dhe rezultatet laboratorike, fotografi rreze dhe imazhe mjekësore. Pacientët mund të tregojnë në detaje për gjendjen e vet, si dhe çdo gjë të nevojshme për një vizitë të plotë vlefshme tek mjeku.  

“Të dukshme janë dobitë nga telemjekësia në këtë moment, kur njerëzit përmbahen  nga një vizitë nëpër spitale. Kjo është e përshtatshme dhe për njerëzit të cilët lëvizin me vështirësi si dhe për ata, të cilët nuk kanë kohë të presin përpara kabineteve”-thotë Josif Dishliev. - Mjaft biseda zhvillohen dhe rreth temës nëse duhet mundësia për konsultime përmes internetit, të paguhet e pjesërisht ose plotësisht nga Arka Kombëtare e Sigurimeve Shëndetësore. Tani për tani vetëm shkarkimi dhe instalimi i platformës janë falas. Për ndryshe vet konsultimi me specialist është i paguar:  

“Ai paguhet nga pacienti dhe paratë, nga ky pagim shkojnë drejt mjekut. Çdo një mjek vet e përcakton çmimin për konsultimin e tij. Në këtë kuptim ne jemi platformë, e cila i lidh të dyja palët. Duke gjykuar në bazë të reagimeve të cilat i kemi nga mjekët dhe nga pacientët e tyre, supozojmë se edhe pasi do të normalizohet situata edhe pas shumë kohe, dobitë nga kjo platformë do të mbeten . Njerëzit, të cilët kanë provuar, kurse ky është një grup i madh, tanimë kanë kuptuar, se kjo është një mënyrë e arsyeshme për të kërkuar ndihmë mjekësore”.

Përgatiti në shqip: Nataniela Vasileva

Më shumë nga rubrika

Masat kundërepidemike në Aeroportin e Sofjes

Covid-19 po vazhdon të ndikojë mbi udhëtimet  si drejt Bullgarisë, ashtu dhe që këtu drejt shteteve të tjera evropiane dhe botës. Pavarësisht nga rekomandimet  e Ministrisë së Punëve të Jashtme qytetarët bullgar u përmbahen udhëtimeve të panevojshme, dhe..

botuar më 20-07-02 2.57.MD

Më e rëndësishmja për udhëtimet për në Bullgari në kushtet e Covid-19

Autoritetet bullgare zgjatin ndalimin e përkohshëm të hyrjes në Bullgari deri më 15 korrik 2020 të të gjithë shtetasve, pavarësisht nga shtetësia e tyre në të gjitha pikat e kalimit kufitar të transportit tokësor, ajror, detar dhe hekurudhor.  Kjo..

botuar më 20-07-01 1.20.MD

Lindja e pare e diellit për muajin korrik bashkon njerëzit me shpirt të lirë

Në kalendar ka festa të shumta, të cilat njerëzit i duan dhe i shënojnë, pavarësisht se ato nuk janë festa zyrtare. Me afrimin e 1 korrikut bullgarë prej disa brezave fillojnë të këndojnë hitin botëror “ July Morning ” . Pamja e rrezeve të para të..

botuar më 20-06-30 3.56.MD