Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Po pritet një rendiment i mirë i qershive në Kjustendill

Foto: BGNES

Qershitë e shkëlqyera nga qyteti Kjustendill tashmë transportohen për në tregjet e të gjithë vendit tonë. Masa të dyfishuara të sigurisë për shkak të pandemisë ka si në kopshtet frutore ashtu dhe gjatë transportimit të frutave.

Mbase nuk ka bullgar, i cili të mos e njohë qytetin Kjustendill  si vendi, ku rriten qershitë më të shijshme në Bullgari, mbase dhe në botë. Qershia më e mirë bullgare quhet “kjustendillska hrushtjallka” dhe është zhvilluar nga Instituti i Bujqësisë në qytet. Frutat janë të mëdha, me zemër dhe me një lëkurë të kuqe të errët. Qershitë e Kjustendillit janë të ëmbla dhe me një aciditet të këndshëm dhe njëkohësisht kanë cilësi shumë të mira të shijes. Kjo është një nga pasuritë e mëdha të cilat i ruajnë me kujdes banuesit në rrëzat e malit Osogovo.

Në kushtet e masave të kufizuara për shkak të pandemisë së Covid-19 përpara ditëve të numëruara filloi fushata rreth vjeljes së frutave dhe vendosja e tyre në masivet e qershive. Pronarët e pemishteve në Kjustendill janë me mijëra, qindra janë dhe familjet e punonjësve sezonalë të cilët vijnë në qytet posaçërisht në stinën e qershive, sepse ka shumë punë, kurse kjo u garanton për një kohë të shkurtër të ardhura të mira.Problemi më i madh në këtë moment është pikërisht transportimi i vjelësve deri tek pemishtet e qershive, i cili për shkak të masave sanitare nuk mund të bëhet me autobus dhe me grupe të mëdha, komentojnë nga kooperativa lokale bujqësore.

“Na pret një fushatë më e ndryshme e vjeljes së qershive në Kjustendill, duke pasur parasysh masat shëndetësore dhe prandaj me vëmendje do t’i ndjekim punëtorët - si këta të cilët do të jenë nëpër pemë, ashtu dhe në pikat ku do dorëzohet prodhimi” -thotë kryetari i bashkisë i qytetit Petër Paunov.

“Roja e masiveve të qershisë do të organizohet me pjesëmarrjen e policisë dhe të xhandarmerisë. Tradicionalisht me pajisje të shikimit të natës  do të ndiqet të mos të ketë njerëz mes pemëtoreve në orët e vona të natës. Puna do të zhvillohet vetëm nga ora 8 e mëngjesit deri në orën 20 në mbrëmje, kurse pas kësaj asnjë nuk ka të drejtën që të hyjë aty. Në periudhën e fushatës  lëvizja nëpër kopshtet bëhet vetëm me dokument pronësie, kurse transportuesit duhet të paraqesin shënimet përkatëse të peshimit, ose faturat, nga vendi ku janë blerë. Në qoftë se nuk pronësojnë një dokument të vlefshëm për produktin e tyre, ata janë të rrezikuar që të gjitha gjërat të konfiskohen, përfshi dhe automjetin e tyre transportues.  

Gjatë vitit 2019 sasia e qershive të mbledhura në Kjustendill është mbi 9 mijë tonë,kurse rendimenti i sivjetshëm është shumë më i mirë dhe mund të tejkalojë 10 mijë tonë. “Varet se çfarë pjese nga ky produkt do të ruhet. I lutemi Zotit që të mos të ketë breshër, të mos të ketë stuhi, kurse që aty e tutje ajo që është e mbledhur të jetë e mirë për t’u konsumuar” - thotë Petër Paunov:

“Shirat e tanishme janë shumë të dobishme për rendimentin tonë, por shpresoj që në fillim të muajit qershor të pushojnë, që të mos të çahen qershitë dhe prodhimi të jetë i aftë për një konsum të freskët. Sa për qershitë e njohura të Kjustendilli pa dyshim  që ato janë një produkt i dëshiruar dhe i kërkuar si në tregun bullgar, kështu dhe në tregjet ndërkombëtare. Shpresoj se do të ketë një realizim shumë të mirë sivjet. Aktualisht ka një stimul shtetëror për përpunuesit bullgarë. Në qoftë se ata blejnë mbi 30% më shumë produkte të prodhimit bullgar, sesa gjatë vitit të mëparshëm, do të marrin nga 50 leva shtesë për një ton. Shpresojmë që përpunuesit  sivjet të orientohen pikërisht drejt tregut të brendshëm dhe se pikërisht tregu i brendshëm bullgar do të mbushet me qershi nga Kjustendilli dhe pas kësaj ai do të na falënderoi për punën e bërë”.

Përgatiti në shqip: Nataniela Vasileva

Foto: BGNES



Последвайте ни и в Google News Showcase, за да научите най-важното от деня!

Më shumë nga rubrika

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD

Mbi 900 fëmijë në vendin tonë janë në pritje të prindërve birësues, është dyfishuar numri i atyre që duan të birësojnë

Në fillim të këtij viti më shumë se 1600 familje kanë treguar gatishmëri për të birësuar një fëmijë dhe numri i fëmijëve për të cilët janë kërkuar birësues të përshtatshëm ka qenë pak më shumë se 900. Sipas të dhënave të Agjencisë së Ndihmës..

botuar më 24-03-28 8.54.PD