240 janë të konfirmuarit e rinj me koronavirus në vend, testet e bëra sipas metodës PCR për 24 orët e fundit janë 4 286, tregon Portali Unik Informativ. Më shumë – 71, vazhdojnë të jenë rastet në Sofje, pastaj janë ato në Plovdiv (21) dhe në Bllagoevgrad (17).

Numri i përgjithshëm i të regjistruarve me këtë virus që nga fillimi i pandemisë është 6 342 veta. Në fazën aktive të sëmundjes po ndodhen 2 917 njerëz. Të hospitalizuarit janë 498, 29 prej të cilëve po ndodhen në reparte të mjekimit intensiv.

Për harkun kohor 24 orësh të shëruarit janë 129 dhe kështu numri i përbashkët i tyre që nga fillimi i epidemisë shkoi më 3 166. Të vdekurit për ditën e djeshme janë 5 dhe kështu viktimat e koronavirusit tashmë janë 259.