Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Cilësia e jetesës në Bullgari është një madhësi relative

Foto: Eurostat

Prej viteve Bullgaria “mban” vendet e fundit për nga cilësia e jetës në Bashkimin Evropian. Dhe në qoftë se kishte kohë, në të cilën ne e linim pas vetes Rumaninë, tanimë jemi të fundit në Evropë. Sipas të dhënave të Eurostatit, 54% prej bullgarëve janë të pakënaqur nga cilësia e jetesës së vet. Për krahasim, ky tregues për Bashkimin Evropian si tërësi del në mezi 16,4%.

Në pjesën më të madhe të statistikave Bullgaria mbetet mbrapa madje dhe pas vendeve nga ish kampi socialist, të cilat përpara viteve i ka tejkaluar. Sipas “Indeksit të arritjes 2019”, i cili krahason deri në çfarë shkalle vendet nga Blloku Lindor afrohen deri tek vendet e para anëtare të Bashkimit Evropian, Bullgaria përsëri është në bisht. Për krahasim - Estonia, Çekia dhe Sllovenia renditen në vendin e 13,14 dhe 15 derisa Bullgaria zë vendin e 29 në klasifikimin e përgjithshëm.

Sipas të njëjtit Indeks të Arritjes, vendi ynë paraqitet “më mirë” në kategoritë “Ekonomi” dhe “Drejtim” duke zënë pozitën e 28.

Sa i përket mirëqenies së vet, 70% nga bashkatdhetarët tanë ndihen të pakënaqur. Të dhënat e Eurostatit tregojnë se të ardhurat mesatare ekuivalente vjetore në Bullgari arrijnë 3590 euro, kundrejt 16 843 euro - në Bashkimin Evropian. Lajmi i mirë këtu është se tanimë ndodhemi në “dhomën e pritjes” të eurozonës, gjë e cila sipas analizatorëve supozon forcimin e stabilitetit dhe garanton një mbikëqyrje më të përpiktë evropiane.  

Një stabilitet dhe një respektim të përpiktë të ligjit kërkojnë dhe protestuesit, të cilët tanimë për ditë të 28 lëvizin midis “Trekëndëshit të Pushtetit” dhe  “Orllov Most” /ura emblematike e shqiponjave/ në Sofje, e cila është kthyer dikur në një simbol të demokracisë. Ndaj tyre bashkohen dhe bullgarë prej vendbanimeve të tjera në vend, si dhe gjithnjë e më shumë nga bashkatdhetarët tanë të cilët kanë ikur nga Bullgaria, pikërisht për shkak të mungesës së një perspektive.  


Duke e parë përsëri statistikën, vendi ynë është në fund të klasifikimit dhe me një pabarazi të madhe, me një sistem të keq të kujdesit shëndetësor, një korrupsion të theksuar dhe një liri të ulët të mediave. Kurse kjo gjithnjë e më shumë i shtyn bullgarët, të cilët për shkak të mungesës alternative politike, refuzuan të votojnë.

Sipas një studimi aktual të agjencisë për studime sociale dhe të marketingut “Allfa Risërç”, mbi 60% prej bullgarëve i përkrahin protestat, gjë e cila për vendin tonë do të thotë dhe një përparim shumë i madh sa i përket shprehjes së një pozicioni të unifikuar civil. Për zgjedhje para afatit shpallen 37% nga përkrahësit e protestave. Kurse 66% prej bullgarëve përkrahin “qytetarët të cilët dalin të protestojnë në mënyrë spontane”, vënë në dukje sociologët.

Sa u përket zgjedhjeve të ardhshme parlamentare, analizatorët prognozojnë një rishpërndarje të votave. Ata parashikojnë gjithashtu se në skenën politike do të nguliten rreth 6-7 parti bashhkë me partinë drejtuese GERB në krye.

Çështje kohe është që të kuptojmë sesi konfiguracioni politik do të zgjidhë çështjet më të dhimbshme të shoqërisë bullgare, një nga të cilat është cilësia e jetës në vendin tonë.

Përgatiti në shqip: Nataniela Vasileva

Foto: Eurostat, BTA


Последвайте ни и в Google News Showcase, за да научите най-важното от деня!

Më shumë nga rubrika

Nënë Kadire nga Gora

Te nashencit në Gorën e Kukësit (VIDEO)

Midis maleve të Sharrit, Korabit dhe Koritnikut ndodhet rajoni historiko-gjeografik i Gorës, popullsia e të cilit e quan veten "torbeshë", "bullgarë", "nashenci"... Sot kufiri verilindor i Shqipërisë e ndan Gorën në dy pjesë - në lindje, në të..

botuar më 24-03-29 1.10.MD

Një filial i Universitetit në qytetin Ruse do të hapet në Taraklia

Një filial i Universitetit Ruse do të hapet në qytetin moldavian Taraklia. Kjo u vendos me një dekret të Këshillit të Ministrave. Udhëheqja e Universitetit në Ruse përpiqet për të hapur një filial të tij në qytetin moldavian që nga viti 2016...

botuar më 24-03-28 5.32.MD

Në BE, shkalla e vdekshmërisë për shkak të një aksidenti kardiovaskular është më e larta në Bullgari

Çdo vit në BE ka më shumë se 6 milionë raste të reja dhe mbi 1.8 milionë vdekje që lidhen me sëmundjet kardiovaskulare, raporton BTA, duke cituar zëvendëskryeministren dhe ministren e punëve të jashtme në dorëheqje Maria Gabriel. Në një konferencë..

botuar më 24-03-28 11.23.PD