A e miratojnë bullgarët pranimin e euros?

botuar më 10-11-03 11.44.PD

“Aderimi në Eurozonë do të na ndihmojë ta frenojmë inflacionin dhe tregu bullgar do të bëhet më konkurrues.” – është i mendimit analizatori ekonomik Georgi Angellov

Foto: Tanja Harizanova

Më se 40% të bullgarëve mendojnë se futja e euros do ta ndikojë në mënyrë negative ekonominë bullgare. Valuta e përbashkët evropiane nuk pranohet në mënyrë pozitive edhe nga 4/5 e britanezëve dhe nga gjysma e polakëve, të cilat janë jashtë zonës së euros. Në shtetet nga Eurozona shumica e qytetarëve gjithashtu mendojnë se euroja ndikon në mënyrë negative ekonomitë e shteteve të tyre. Këtë e tregon analiza “Tendenca transatlantike 2010” e organizatës “General Marshall Fund” që u zhvillua në ShBA, Turqi dhe 11 shtete të BE-së. Vetëm 28% të bullgarëve janë optimistë. Bullgaria ka ambicie ta pranojë euron si valutë kombëtare në vitin 2012 ose 2013.

Pse bullgarët janë skeptikë?

“Shkaku kryesor është në disa shtete, të cilat u aderuan në zonën evropiane si Greqia, Portugalia dhe Spanja, në një moment kur nuk ishin të përgatitura mirë për këtë - komentoi në një intervistë për Radio Bullgarinë analizatori ekonomik Georgi Angellov. – Në këto shtete tendencat negative që ekzistonin para implementimit të euros vazhdonin edhe pas kësaj. Bëhet fjalë për deficitin buxhetor, inflacionin, rritjen e borxheve dhe disbalanca të tjera ekonomike. Në këto shtete mungonte një politikë të mirë ekonomike dhe për këtë arsye rezultatet ishin të këqija. Politikanët atje në vend që të pranojnë gabimet e veta e akuzonin euron. Shumë bullgarë lexojnë në gazetat për këto probleme dhe kështu lindi skepticizmi.”

A është e mundshme që ky skenar të përsëritet në Bullgari?

“Ne kemi një përparësi – këto shtete e kanë kaluar këtë rrugë para nesh – mendon Georgi Angellov. Vjedhjet nga fondet evropiane në Greqi dhe Portugali ishin me përmasa shumë të mëdha dhe atëherë nuk kishte mekanizma për ndërprerjen e tyre. Pas kësaj përvoje negative Komisioni Evropian krijoi mekanizma të tilla për ndërprerjen e financimit në raste keqpërdorimi. Bashkimi Evropian tashmë ka përvojë edhe me futjen e euros në shtete të reja dhe rregullat për aderim në Eurozonë janë adekuate. Bullgaria nuk do të hyjë në këtë zonë në se nuk është përgatitur mirë. Gjatë 2 vjetëve të fundit vetëm Estonia dhe Sllovakia ishin pranuar në këtë zonë dhe unë nuk kam shqetësime se Bullgaria do të fillojë ta përdorë euron para që të përgatitet për këtë.”

Njerëzit mendojnë se çmimet do të rritin shumë pas pranimit të euros, posaçërisht në sektorin e shërbimeve. Tani për tani në Bullgari çmimet janë 50% më të ulëta në krahasim me nivelin e mesëm të çmimeve në Evropë.

“Sllovakia u aderua në Eurozonë në vitin 2009 dhe atje çmimet janë më të ulëta në krahasim me çmimet në shtetet e tjera evropiane – tha zoti Angellov. Atje në vitin 2009 inflacioni ishte 0%, pavarësisht nga shqetësimet e disa ekspertëve. Nga ana tjetër Bullgaria është jashtë Eurozonës dhe shikojmë se këtu inflacioni nuk është më i ulët dhe bile është e kundërta. Mendoj se në Bullgari euroja mund të luajë një rol stabilizues.”

Domethënë problemi i vetëm do të jetë rrumbullakosja e çmimeve?

“Në Bullgari raporti është 1:2. Kjo do të thotë se në se diçka në Bullgari kushton 1 lev, pas pranimit të euros do të kushtojë 50 centë – tha Georgi Angellov. Nuk mendoj se ky problem do të luajë një rrol të konsiderueshëm kur fillojmë të përdorim valutën e përbashkët evropiane. Aderimi në Eurozonë do të na ndihmojë ta frenojmë inflacionin dhe tregu bullgar do të bëhet më konkurrues.”

Përgatiti në shqip: Jordanka Ivanova

По публикацията работи: Tatjana Harizanova

Последвайте ни и в Google News Showcase, за да научите най-важното от деня!

Ndaje

A e miratojnë bullgarët pranimin e euros?

Më shumë nga rubrika

Në fillim të vitit 2024, ekonomia raporton rritje të dobët me rënie të importeve dhe eksporteve

Bullgaria mund të kërkojë një raport të jashtëzakonshëm për anëtarësimin në Eurozonë

927 persona kanë deklaruar të ardhura mbi 1 milion leva

Në fillim të vitit 2024, ekonomia raporton rritje të dobët me rënie të importeve dhe eksporteve