Në muajin e fundit nga mandati i paplotë i qeverisë së Pallmen Oresharskit tema e diversifikimit të furnizimeve të energjisë u aktualizua në Zagreb ku u mbajt mbledhja e Këshillit të përzierë të bashkëpunimit ekonomik të Bullgarisë dhe Kroacisë. U diskutuan mundësitë që nga 2017-a Kroacia ta furnizojë Bullgarinë me gaz nga pjesa veriore e Adriatikut.
U diskutuan po ashtu mundësitë konkrete për lidhjen e rrjeteve të gazit të Kroacisë dhe Bullgarisë përmes Serbisë apo përmes Hungarisë dhe Rumanisë. Për shkak të interesit të shtuar të palës bullgare për projektin kroat të gazit të lëngshëm natyror, projekti do të prezantohet javët në vijim në Sofje. Ndoshta bisedimet rreth projektit kroat nuk do të zhvillohen në kudër të kabinetit “Oresharski”, sepse pritet dorëheqja e tij, por sigurisht çështjet e pajtuara në Zagreb do të mbeten në fuqi, sepse bëhet fjalë për dy vende anëtare të BE-së dhe këto çështje janë pjesë e politikës evropiane e diversifikimit të furnizimeve të gazit.
Pas kabinetit “Oresharski” në Bullgari do të funksionojë qeveria teknike e emëruar nga presidenti Rosen Plevneliev. Ky i fundit shprehu interesin e Bullgarisë për temat e diskutuara në Zagreb që gjatë muajit tetor të vitit të kaluar kur pati takim me homologun e tij kroat Ivo Josipoviç. Pushtetarët e ardhshëm të Bullgarisë do të trashëgojnë nga kabineti “Oresharski” çështjet e tjera të pajtuara rreth furnizimeve të energjisë me vendin tjetër anëtar të BE-së – Qipron. Para një muaji Ministri Bullgar i Punëve të Jashtme, z. Kristian Vigenin diskutoi me homologun e tij qipriot Joanis Kasulidis rolin eventualisht të rëndësishëm të Qipros në projektin e furnizimeve të gazit deri në terminalet me gaz të lëngshëm në Greqi. Bëhet fjalë për korridorin e ardhshëm të gazit veri-jug, ku gazi do të transferohet përmes Bullgarisë për në Rumani dhe Evropën Qendrore. Qeveria aktuale është duke u larguar, pormbetet politika e Bullgarisë për diversifikimin e furnizimeve të energjisë. Bile për arsye se në vend nuk ka forcë të rëndësishme politike e cila ta kundërshtojë këtë politikë.
Përgatiti në shqip: Anna Kapitanova
Që nga viti 2007, kur Bullgaria hyri në BE, të ardhurat reale në vend u rritë më shumë se 3 herë. Fuqia blerëse u rrit me 20%.Në vitin 2006, interesi i kredive hipotekare në vend ishte 8%, tani është 2.8%. Për 17 vjet, Bullgaria kontribuoi 9,056..
3.1 për qind është inflacioni i pritshëm për Bullgarinë për vitin 2024 dhe 2.6 për qind për vitin 2025, sipas të dhënave të parashikimit pranveror ekonomik i Komisionit Evropian për këtë vit. Tendenca rënëse e çmimeve të jashtme pritet të frenojë..
Në tremujorin e parë të vitit 2024, Produkti i Brendshëm Bruto (PBB) real i vendit po rritet me një ritëm të përshpejtuar, gjë që është një parakusht për një dinamikë të ngjashme vjetore, thuhet në buletinin ekonomik të Bankës Kombëtare Bullgare..
Që nga viti 2007, kur Bullgaria hyri në BE, të ardhurat reale në vend u rritë më shumë se 3 herë. Fuqia blerëse u rrit me 20%.Në vitin 2006, interesi i..