Në një deklaratë të përhapur nga zyra informative pranë qeverisë Kryeministri Bojko Borisov dënoi kategorikisht vrasjen e liderit politik të iniciativës qytetare “Serbia, Demokracia, Drejtësia” Oliver Ivanoviq. Në deklaratë Kryeministri thekson se çdo një dhunë është në kundërshtim të vlerave të qytetërimit dhe të ambicieve evropiane të vendeve nga Ballkani Perëndimor, duke besuar se fajtorët do të ndëshkohen. Dialogu mes Beogradit dhe Prishtinës nuk ka alternativë dhe akte të tilla nuk duhet të krijojnë pengesa në bisedimet mes dy anëve, thotë në përfundim Kryeministri bullgar.

Më vonë në një bisedë telefonike me Kryeministren e Serbisë Ana Brnabiç me rastin e vrasjes në Kosovë të liderit politik serb Oliver Ivanoviq Kryeministri Bojko Borisov nënvizoi se një dhunë e tillë nuk mund të tolerohet dhe nuk mund të shkelet superioriteti i ligjit. Sipas fjalëve të tij qëllimet politike duhet të arrihen me mjete politike.