Zëvendëskryeministrja dhe Ministre e Punëve të Jashtme Ekaterina Zaharieva zhvilloi një sërë takimesh në kuadrin e vizitës së saj në Japoni, ku dy palët shprehën gatishmëri për të këmbyer ekspertë në fusha të ndryshme, ta ndihmojnë Ballkanin Perëndimor me projekte konkrete, ta thellojnë bashkëpunimin në arsim, kulturë, sport. Në takimin me Shinichi Kitaoka, President i Agjencisë Japoneze për Bashkëpunim Ndërkombëtar, Zaharieva shprehu mirënjohjen e Bullgarisë për përkrahjen financiare japoneze me përmasë rreth 700 mln euro gjatë tranzicionit bullgar për projekte të ndryshme. “Ju jeni një model i suksesshëm për shumë shtete – për një periudhë relativisht të shkurtër nga një shtet, i cili merr ndihmë, u bëtë një shtet-donator”, vuri në dukje Shinichi Kitaoka. Gjatë takimit të Zaharievës me guvernatorin e Tokios Yuriko Koike u bë e qartë se në 45 shkolla në Tokio fëmijët studiojnë “gjëra të lidhura me Bullgarinë”. “Duam ta thellojmë këtë bashkëpunim”, nënvizoi Koike. Ministrja Ekaterina Zaharieva u përfshi edhe në iniciativën për punimin e medaljeve olimpike prej metalesh, të nxjerra nga celularë të vjetër.