Duke cituar raportin vjetor të Agjencisë Shtetërore të Sigurisë Kombëtare për vitin 2018, agjencia informative BGNES informon se vitin e kaluar Bullgaria ka dëbuar nga vendi 15 shtetas të huaj, për të cilët ka pasur dëshmi se janë lidhur me veprimtari terroriste. Kërcënimi kryesor për vendin tonë mbetet terrorizmi ndërkombëtar. Gjatë vitit 2018 rreziku ka qenë lidhur kryesisht me veprimet e “Shtetit Islamik” dhe me personat që identifikohen me ideologjinë e saj. Numri i luftëtarëve të huaj, të cilët kthehen nga rajonet e nxehta të konfliktit është duke u ulur, por ata vazhdojnë të jenë faktori kryesor i kërcënimit, thuhet në raport.