Radioja Kombëtare Bullgare © 2020 Të gjitha të drejtat janë të rezervuara

Sportistja Milena Todorova ëndërron për medalje olimpike në biatlon

Foto: личен архив

Prej kohe ëndrra më e madhe e skiatores Milena Todorova e cila garon në biatlon është të marrë medalje olimpike. Suksesin më të madhe ajo arriti duke fituar tri medalje në tri disiplina të ndryshme në Kampionatin Botëror për të rinj dhe për të reja në Lenzerheide të Zvicrës në fillim të këtij shkurti. Bullgarja 22 vjeçare fitoi medaljen e argjend në disiplinën individuale dhe medaljet e bronzta në vrapim dhe në ndjekje. Tani pret Kampionatin Botëror të Biatlonit në Antholz të Italisë, ku do të debutojë në garën e femrave. Qëllimi i saj më i madh për këtë stinë është medalja e artë nga Kampionati Evropian.

Nuk mendova se do të arrijë të marr tri medalje në Kampionatin Botëror në Lenzerheide të Zvicrës – tregon skiatorja e re. – Në të vërtetë isha gati për pista më të rënda dhe për lartësi më të madhe mbi detin. Tërë verën trajnova në të hapur në bazën sportive Bellmeken, kështu që fizikisht isha gati për garën. Për fat të keq qitja ime nuk ishte e mirë, por arrita të kompensoj gabimet me vrapimin. Me siguri mund të them se u avancova shumë, gjë për të cilën punoj që prej vitesh.

Milena Todorova nisi të merret me biatlon rastësisht pasi një mjek i  këshilloi prindërit se do të jetë mirë që e bija e tyre të merret me ndonjë sport. “Fillova si shaka për arsye shëndetësore, por sot nuk mund t’i përfytyroj vetes se mund të bëj ndonjë gjë tjetër”, kujton skiatorja e re. Ajo e ndjen veten mirë në mesë të skajeve të bardha të maleve, por frymëzimi i saj më i madh është miku – Vlladimir Iliev sportist i Bullgarisë për vitin 2019. Të dy ata janë nga qyteti Trojan në Bullgarinë Qendrore Veriore, të dy ata janë mbajtës të medaljeve të argjendta nga kampionate botërore të biatlonit.


Një frymëzim dhe një motivim për mua është se kam pran meje një njeri si Vlladimiri – thekson skiatorja. – Kur shkojmë në ndonjë garë delegacioni ynë nuk është aq i madh, por kjo nuk e zvogëlon gëzimin nga sukseset e bashkatdhetarëve tanë. Mendoj se miqësia stimulon fitoret në pistat.

Milena Todorova është e bindur, se do të arrijë suksesin më të madh në vitin 2026 në Olimpiadën Dimërore në Milano. Ajo e ka këshilltare në sport kampionen e vetme olimpike bullgare në biatlon Ekaterina Dafovska. Kur Dafovska korri suksesin e saj në Nagano në vitin 1998 Milena ishte bebe e porsalindur.

Irina Nikullçina – një sportiste tjetër bullgare e biatlonit, e cila është nga brezi më i suksesshëm bullgar në këtë sport, e tregon Milenën si shpresa më e madhe në biatllonin bullgar. Kjo për arsye se edhe trajnimet Milena e pranon si një garë. Dhe kjo sepse është e bindur, se “Gjithnjë duhet të japësh 100 për qind edhe më shumë nga vete, sidomos kur e di qëllimin”.

Përgatiti në shqip: Svetllana Dimitrova

Foto: arkiv personal

Më shumë nga rubrika

Borjana Uzunova dhe Bllazhka Dimitrova

Dy bullgare morën çmimin e WWF-së për mbrojtjen e mjedisit

Sipërmarrëset në fushën e ekologjisë Bllazhka Dimitrova dhe Borjana Uzunova merituan Çmimin e Presidentit të organizatës ekologjike WWF, e cila u jepet ambientalistëve të rinj nga e gjithë bota. Dy bullgaret janë dekoruar për shkak të përpjekjeve..

botuar më 20-06-06 6.10.PD
Stefani Stançeva

Bullgarja Stefani Stançeva është ndër këshilltarët e Emmanuel Macron

Bullgarja Stefani Stançeva, profesoreshë nga Harvardi, është pjesë e ekipit prej 26 anëtarësh, i cili do ta këshillojë Presidentin Emmanuel Macron se si mund të përmirësohet ekonomia franceze që të rimëkëmbet pas shokut nga pandemia e Covid-19...

botuar më 20-06-03 10.04.PD

Interneti i sigurt - kauza e 16 vjeçares Milena Radoytseva

Milena është 16 vjeçe, nga Sofja, nxënëse në Gjimnazin e Dytë të Gjuhës Angleze “Thomas Jefferson” në Sofje. Lëndët e saj të dashura janë matematika dhe historia. Ajo do që të bëhet gazetare një ditë. Milena është pjesëmarrëse në projekte të..

botuar më 20-05-26 12.59.MD