Në traditën ortodokse, dita e dhjetë e shkurtit i kushtohet Shën Haralambit, i cili vdiq si martir gjatë persekutimit të të krishterëve në shekullin e tretë. Sipas traditës së kishës, plagët e tij shëroheshin për mrekulli çdo natë, pavarësisht torturave të rënda që iu nënshtruan. Para se të largohej nga jeta tokësore, ai i kërkoi Zotit që t'u jepte "shëndet fizik dhe shpëtim shpirtëror të gjithë njerëzve". Prandaj Shën Haralambi konsiderohet si një nga shenjtorët shërues, së bashku me Shën Kozmain dhe Damianin, Shën Pantalejmonin, Shën Trifonin e të tjerë. Disa nga reliktet e tij mrekullibërëse ruhen në kishën “Shtatë Shenjtorët ”në Sofje.
Në kulturën tradicionale bullgare, shenjtori konsiderohet si sundimtar i murtajës dhe sëmundjeve të tjera të tmerrshme. Ky nocion ka depërtuar në ikonografi - shpesh Shën Haralambi është përshkruar duke shkelur murtajën (duke marrë imazhin e djallit) ose duke rrahur dhe torturuar një krijesë të keqe. Më 10 shkurt është edhe festa popullore për nder të tij. Sipas traditës, këtë ditë gratë gatuajnë bukë rituale, të cilat i lyejnë me mjaltë “për të qetësuar” sëmundjet e tmerrshme.
Në shërbimin e mëngjesit ato edhe sot e kësaj dite e sjellin mjaltin e ri në tempuj për shenjtërim, dhe në shumë qytete dhe fshatra bletarët kremtojnë festën e shenjtorit të tyre mbrojtës - shoqatat vendase të bletarisë organizojnë ekspozita me degustim mjalti, japin leksione, etj.
“O bletë e mjaltëdhënëse, ti ecën në pyll ti e mbart mjaltin, ti ecën në ara - ti e mbart mjaltin… E lë atë dhe përsëri fluturon…” - Këndojnë gratë nga grupi folklorik a cappella i fshatit të dikurshëm Dërvenica, i cili sot është një lagje e Sofjes. Kjo është një nga të paktat këngë popullore kushtuar punës së palodhshme të bletës, e cila që nga kohërat e lashta ua jep njerëzve "arin e lëngshëm", siç e quajnë mjaltin - një nga ilaçet më të fuqishme natyrore për një sërë sëmundjesh.
Ju ftojmë të lexoni më shumë hollësi për shenjtorin e njohur bullgar në publikimin tonë “Për Shën Harallampin, murtajën dhe mjaltin” nga koleksioni i Radio Bullgarisë.
Përpiloi: Allbena Bezovska
Përgatiti në shqip: Vesella Mançeva
Më 1 maj 1879 u vunë në qarkullim pullat e para postare bullgare, të quajtura në atë kohë “santim”. Vlera e tyre nominale ishte 5 santim, pasi në atë kohë nuk kishte një njësi monetare bullgare. Mbi to u pikturua një luan i drejtë me një kurorë si..
29 prilli shënon fillimin e Javës së Madhe në 2024 – një periudhë në të cilën të krishterët ortodoksë në Bullgari po përgatiten të mirëpresin Ngjalljen e ndritshme të Krishtit. Menjëherë pas festës së madhe të krishterë Cvetnica (Dita e..
Përfaqësuesit e popullit nderuan në Parlament kujtimin e viktimave të shfarosjes masive të armenëve në Perandorinë Osmane me një minutë heshtje dhe në këmbë. 24 prilli është Dita Ndërkombëtare e Përkujtimit të Ngjarjeve të viteve 1915-1916...
Kisha Ortodokse Bullgare nderon kujtimin e vëllezërve të shenjtë dhe mbrojtësve të Evropës Kirili dhe Metodi , krijuesit e prototipit të alfabetit..
Java e Ndritshme për të krishterët ortodoksë përfundon me Të Dielën е Thomait. Në këtë ditë, Kisha nderon kujtimin e Apostullit Thoma - një nga..