“Kurban Bajrami është një shpresë e re dhe një fillim i ri”, tha kryemyftiu i myslimanëve në Bullgari, Dr. Mustafa Haxhi, në fjalimin e tij para besimtarëve. Në përshëndetjen që bëri përmes Radio Bullgarisë, ai theksoi kuptimin e ditës së sotme, e cila u jep besimtarëve mundësinë për të nisur një faqe të re në jetën e tyre. Kurban Bajrami jep edhe “shpresa të reja, sepse Kurbani që sakrifikojmë është një shembull i mirë për ne se si duhet të jemi vetëmohues dhe t'i shërbejmë shoqërisë në të cilën jetojmë”:
“Në këtë lidhje, çdo njeri duhet të jetë i dobishëm për shoqërinë, sepse vetëm kështu do të tregojë se ai ekziston. Çdo njeri që jeton vetëm për veten e humb kuptimin e jetës së tij. Bajrami është një kohë kur kemi mundësi të kënaqim njerëzit tanë të dashur, të vizitojmë prindërit dhe të përmirësojmë marrëdhëniet me ata njerëz me të cilët kemi pasur konflikte. Bajrami është një rast i mirë për të ndarë lumturinë me të gjithë njerëzit, pa dallim feje apo etnie. Bajrami është një rast i mirë për të ndarë lumturinë me të gjithë njerëzit, qofshin ata mes nesh, në spital, në karrocë apo në ndonjë vend tjetër që nuk i lejon ata të festojnë me ne. Allahu i bekoftë të gjithë! Gëzuar Bajramin!''
Përgatiti në shqip: Vesella Mançeva
“Fitorja mbi vdekjen, që Zoti-njeri, Zoti ynë Jezu Krisht, mban mbi errësirën dhe gjithë fuqinë gjithëpërfshirëse dhe shkatërruese të së keqes, është kulmi, manifestimi më i lartë dhe më përfundimtar i dashurisë së Zotit për ne dhe për të gjithë..
E pritur me drithërimë dhe e kremtuar me shumë solemnitet, Pashka është kurora e mësimit të Krishtit. Për të krishterët, ajo është premtimi i përmbushur i fitores mbi errësirën dhe i pavdekësisë së shpirtit njerëzor . Me shpresën për..
Kisha Ortodokse e lavdëron të Shtunën e Madhe si ditën e shtatë më të bekuar, në të cilën Fjala e Zotit shtrihet në varr si njënjeri i vdekur, por në të njëjtën kohë e shpëton botën. I shtrirë në varr, shpirti i Jezu Krishtit është në ferr..