Materiali i pasur fotografik gjurmon ngjarjet e paharrueshme të vjeshtës së vitit 1940. Ai tregon momente nga puna e delegacionit tonë në qytetin rumun të Krajovës deri në nënshkrimin e traktatit më 7 shtator, hyrjen e ushtrisë bullgare në Dobruxhën Jugore, që u zhvillua midis 21 shtatorit dhe 1 tetorit 1940. Fotot kanë kapur gëzimin e njerëzve të Dobruxhës kur mirëpresin ushtarët bullgarë në Ballçik dhe Tutrakan më 21 shtator, Dobriç dhe Kavarna më 25 shtator, Silistra më 1 tetor. 

Tregohet edhe tragjedia e bullgarëve të Dobruxhës Veriore, të cilët në bazë të marrëveshjes u detyruan të shpërngulen në jug. Rreth 70,000 njerëz nga Dobruxha Veriore u vendosën në qytetet dhe fshatrat e Dobruxhës Jugore. Në prezantimet janë përdorur foto nga fondet e Muzeut Historik të Dobriçit, Silistrës, Tutrakanit, Gjeneral Toshevo dhe nga koleksioni i pasur i monumenteve të kulturës, fotografuar nëpër trojet bullgare në fillim të shekullit të kaluar, të ruajtura nga familja amerikane Nellie dhe Robert Gipson, të njohura si Arkivi Gipson.

Përpiloi: Veneta Nikollova

Përgatiti në shqip: Kostandina Bello

Foto: Muzeu Historik Rajonal - Dobriç