Përfaqësues zyrtarë bullgarë janë për vizitë në Bankën Qendrore Evropiane dhe në Komisionin Evropian, që të shqyrtojnë procedurat e aderimit dhe grafikun e aderimit të vendit tonë në Unionin Bankar dhe në Mekanizmin e Kursit të Këmbimit /ERM 2/. Ditën e martë Ministri i Financave Vlladisllav Goranov bëri të ditur se do të kandidojmë njëkohësisht për anëtarësim në “sallën e pritjes” të eurozonës dhe në Unionin Bankar të Bashkimit Evropian. Deri para pak kohe qeveria bullgare ngulte këmbë se me prioritet duhet të jetë hyrja jonë në sallën e pritjes të eurozonës, kurse pas kësaj – në Unionin Bankar, gjë që kështu ose ndryshe duhet të ndodhë. Mirëpo, praktikisht vendi ynë nuk kishte mundësi për të zgjedhur. Anëtarësia në Unionin Bankar të eurozonës do të thotë se Banka Qendrore Evropiane do të fillojë mbikëqyrjen mbi bankat e mëdha të vendit dhe do të do të fillojë t’i marrë vendimet për ristrukturimin e bankave që janë në gjendje të vështirësuar.
Sipas z. Goranov anëtarësia e njëkohshme në ERM 2 dhe në Unionin Bankar është një sfidë e madhe. “Nuk ka shtet tjetër, i cili ta ketë kaluar deri tani këtë rrugë. Ka mjaftë paqartësi me karakter të ndryshëm”, theksoi Ministri i Financave.Vendet e eurozonës mirëpritën Bullgarinë për përparimin e saj në rrugën drejt futjes së euros, njoftoi BTA. Në një deklaratë, pas përfundimit të takimit dyditor të Këshillit Evropian në Bruksel, vendet e Eurozonës inkurajojnë vendin tonë për..
“Bulgartransgaz” shpalli një prokurim publik për “Planifikimin organizativ, projektimin e investimeve, furnizimin me materialet dhe pajisjet e nevojshme, ndërtimin dhe vënien në punë të objekteve të reja për zgjerimin e infrastrukturës së..
Shefi i misionit të rregullt të Fondit Monetar Ndërkombëtar në Bullgari, Jean-François Dauphin, prezantoi rezultatet e monitorimit të ekonomisë dhe sistemit financiar bullgar. Misioni i fondit filloi më 6 mars dhe përfundon sot, 19 mars. “Aderimi..