Radioja Kombëtare Bullgare © 2020 Të gjitha të drejtat janë të rezervuara

Vazhdon vizita e Presidentit Radev në Shqipëri

Presidenti Radev mori "Çelësin e Tiranës" nga Kryetari i Këshillit Bashkiak, Toni Gogu
Foto: http://top-channel.tv

E premtja (6 mars) është dita e dytë e vizitës së Presidentit bullgar Rumen Radev në Tiranë. Pritet se sot ai do të vizitojë qytetin e Durrësit.

Kryetari i Kuvendit, Gramoz Ruçi e priti dje Rumen Radevin dhe e uroi Presidentin bullgar për 142- vjetorin e Ditës Kombëtare të Bullgarisë, vlerësoi bashkëpunimin e shkëlqyer politik midis të dy vendeve dhe nënvizoi se ky bashkëpunim i ka rrënjët në mirëkuptimin e plotë dhe marrëdhëniet tradicionale midis dy popujve tanë. Kryetari i Kuvendit Gramoz Ruçi nënvizoi se “Ne i jemi mirënjohës Bullgarisë për mbështetjen e fuqishme dhe të vazhdueshme për rrugëtimin evropian të Shqipërisë dhe çeljen sa më shpejt të negociatave dhe jemi të bindur se kjo mbështetje do të vazhdojë dhe do të kurorëzohet gjatë Presidencës Kroate.”

Foto: shqiptarja.com

Presidenti Radev u takua dhe me Kryetarin e Këshillit Bashkiak të Tiranës, Toni Gogu. Dy bashkëbiseduesit vlerësuan marrëdhëniet e mira mes dy vendeve dhe theksuan nevojën e rritjes së  bashkëpunimit në fushën ekonomike, tregtare dhe të investimeve, sidomos duke folur për investimet bullgare në Tiranë.

Rumen Radev tha se vizita e tij në Shqipëri është një provë e mbështetjes së fortë të Bullgarisë përsa i përket integrimit evropian të Shqipërisë. “Jam këtu për të treguar se Bullgaria ju mbështet në përpjekjet tuaja për të transformuar vendin, e që në të ardhmen të jeni një anëtar besnik i BE. Ne besojmë te arritjet e shoqërisë suaj për transformim, në sundimin e ligjit, të drejtat e njeriut, luftën kundër krimit të organizuar dhe korrupsionit; të gjitha këto arritje janë një provë e sigurt se Shqipëria shumë shpejt do të fillojë procesin e negociatave”, tha ai.

Teksa i dorëzoi “Çelësin e Qytetit” në shenjë të miqësisë mes dy popujve, Kryetari i Këshillit Bashkiak të Tiranës, Toni Gogu tha se ky vlerësim nga ana e presidentit bullgar për reformat e ndërmarra dhe për transformimin e qytetit të Tiranës është një inkurajim shumë i rëndësishëm në rrugën drejt bashkimit evropian. “Kur fqinjët vijnë dhe të urojnë për punët e mira të bëra në shtëpi, është një inkurajim shumë i madh”, tha ai.

Dita e parë e vizitës së Presidentit Rumen Radev përfundoi me pritjen solemne të organizuar nga Ambasada e Republikës së Bullgarisë në Tiranë me rastin e ditës kombëtare të Bullgarisë (3 mars).

Foto: Shoqata për Miqësi Bullgari-Shqipëri

Në të morën pjesë personalitete të larta shtetërore, anëtarë të kabinetit qeveritar, deputetë, titullarë dhe përfaqësues të trupit diplomatik, personalitete fetare, intelektualë, përfaqësues të biznesit, medias dhe shoqërisë civile.


Më shumë nga rubrika

Ngjarjet me adresë ballkanike

Maqedonia e Veriut ktheu karantinën dhe orën policore Për shkak të situatës së keqësuar epidemike pas festave fetare, Maqedonia e Veriut ktheu kufizimet. Nga 4 deri më 8 qershor ndalohet lëvizja e njerëzve në të gjitha bashkitë e..

botuar më 20-06-04 1.32.MD

Gent Cakaj e falënderoi Ekaterina Zaharievën për ndihmën në luftimin e Covid-19

Ministri në detyrë për Evropën dhe Punët e Jashtme Gent Cakaj e falënderoi në Facebook Ministren e Jashtme të Bullgarisë Ekaterina Zaharieva për ndihëm në luftimin e Covid-19: Me angazhimin personal të Zëvendëskryeministres dhe Ministres së Punëve..

botuar më 20-06-03 1.37.MD
Снимка: Pixabay

Ngjarjet me adresë ballkanike

Covid-19 largohet nga Ballkani Në Ballkan po vëzhgohet tendenca e uljes së intensitetit të epidemisë së Covid-19. Më 28 maj në Serbi rastet e regjistruara të koronavirusit për 24 orët e fundit janë 48 me tendencë pozitive, në Greqi ka vetëm 11..

botuar më 20-05-28 3.06.MD