Prodhuesit bullgarë të drithërave janë të shqetësuar për prodhimin e tyre sepse ai gjen treg kryesisht jashtë shtetit. Dhe në se epidemia e COVID-19 do zmadhohet, kjo mund të bëhet pengesë që rendimentet e sivjetshëm të drithërave të eksportohen deri te klientët e tyre në botë.
Sigurimi i tregjeve, i sasisë së domosdoshme të drithërave me cilësi janë ndër prioritetet kryesore të prodhuesve bujqësorë edhe gjatë këtij viti megjithë kushtet e gjendjes së jashtëzakonshme. Këtë e tha Cvetan Berberov kryetar i bashkimit trak të prodhuesve të drithërave para stacionit regjional Stara Zagora të Radios Kombëtare Bullgare. “Është fakt se gruri, elbi, kolza, luledielli janë kultura bujqësore të cilat eksportohen, sepse tregu bullgar është i vogël”, theksoi ai.
Fushata pranverore e mbjelljes së lulediellit, misrit dhe kulturave të tjera të vonshme filloi me ritme të mira dhe me kohë. Pritet që të mbjellat e grurit, elbit dhe kolzës të jenë në gjendje të mirë për shkak të reshjeve gjatë marsit. Megjithëkëtë shqetësimet më të mëdha muajit e ardhshëm do të jenë me mbrojtjen e jetës dhe shëndetit të njerëzve kështu që të jenë në gjendje të plotësojnë detyrimet e tyre.
“Shqetësimi vjen nga fakti se secili është specialist në operacionet e veçanta dhe në se ndonjëri do të sëmuret atëherë duhet të ndryshohet tërë procesi i punës – thekson Cvetan Berberov. – Si prodhues dhe shtetas jemi për respektimin e rregullave dhe normave. Si kudo mbajmë maska, dezinfektojmë periodikisht dhe jemi të bindur, se izolimi social është varianti më i mirë. Por është e vështirë.”
Doli se për shkak të qëndrimit më të gjatë në shtëpi për arsye të izolimit social dhe karantinës, konsumimi i ushqimeve po shtohet, dhe duket një nevojë të madhe për perime dhe fruta. Kjo sipas specialistit duhet të japë orientime të reja të prodhuesve bujqësorë, ndërsa shteti të mendojë të ndihmojë prodhimin vendor.
Redaktor: Diana Cankova
Përgatiti në shqip: Svetllana Dimitrova
Ekonomia e vendit është në 64për qind të nivelit mesatar evropian. Niveli prej 70 për qind që arriti Rumania ende nuk është kapërcyer. Ajo që e dallon Bullgarinë nga vendet e tjera të rajonit është se ato kanë nivele më të larta investimesh, sundim më..
Bullgaria është ndër prodhuesit më të mëdhenj të vajit të livandës në botë. Pothuajse 100% e vajit është orientuar drejt eksportit. Vaji i livandës është më i kërkuari në SHBA, Gjermani, Francë, Austri, Holandë, Indi, Britani të Madhe, Spanjë, Kanada,..
Për sa i përket prodhimit dhe eksportit të biçikletave, Bullgaria është ndër 10 vendet e para në BE, njoftoi qendra për shtyp e Ministrisë së Transportit dhe Komunikacioneve. Gjatë një takimi të Këshillit Joformal në Bruksel, 3-4 prill,..