Liderët e të dy sindikatave të mëdha në Bullgari – Konfederata e Sindikatave të Pavarura dhe Konfederata e Punës “Podkrepa” – Pllamen Dimitrov dhe Dimitër Manollov, në një takim me kryeministrin Bojko Borisov diskutuan masat sociale dhe ekonomike të cilat qeveria ndërmori në përkrahje të punëtorëve dhe të biznesit për kohën e gjendjes së jashtëzakonshme. Sindikalistët theksuan, se hapat e pushtetit ekzekutiv japin rezultate të mira. Kryeministri siguroi se masat sociale dhe ekonomike do të vazhdojnë për përballimin e pasojave të pandemisë së Covid-19. Lidhur me këtë ai shprehu shpresë se me bashkëpunimin e sindikatave do të gjenden zgjidhjet më të mira.