Turizmi alternativ përbën një tërësi të praktikave të qëndrueshme të orientuara si te kënaqja e interesave dhe e nevojave individuale të turistëve, ashtu edhe te ruajtja e natyrës dhe kulturës vendore. Theksi vihet mbi kontaktin me mjedisin e ruajtur natyror, atmosferën dhe kuzhinën autentike, traditat shekullore.
“Në situatën e pandemisë ky lloj turizmi është i përshtatshëm, sepse supozon grupe të vogla pa grumbullimin e shumë njerëzve në një vend dhe transport individual në shumicën e rasteve. Operatorët e turizmit alternativ shfaqin zhdërvjelltësi dhe në kushtet e tanishme mund të vazhdojnë të ofrojnë turne kulturore, turizmin fshatar dhe eko, shëtitje me ski ose me kuaj. Mund të organizohen turne gastronomike, të shijimit të verërave, pelegrinazh e shumë të tjera, si dhe udhëtime në lidhje me ndonjë festival”, tha për Radio Bullgarinë Ekaterina Terzieva, nismëtare e platformës së turizmit të ngadaltë.
Përveç në orientimin e turistëve, ndryshime janë të domosdoshme si në transport ashtu edhe në organizimin e tërësishëm të mikpritjes. Do t'i kushtohet vëmendje më të madhe higjienës, ndërsa produktet do të jenë në përputhje me kërkesat e reja për distancë fizike.
Transporti hekurudhor gjithashtu është një formë interesante të turizmit alternativ. Bullgaria është një destinacion atraktiv për udhëtime të tilla për austriakë, anglezë, gjermanë, serbë, thekson Ekaterina Terzieva:
“Ky transport mund të bëhet më atraktiv në sajë të trenit me binarë të ngushtaSeptemvri-Dobrinishte e cila lidh Rrafshinën e Trakisë me malet Rilla, Pirin , Rodopa. Kjo hekurudhë me binarë të ngushta te stacioni Avramovo ngjitet në nivelin më të lartë në Ballkan 1267 metra mbi nivelin e detit. Në shkurt të vitit 2020 treni me binarë të ngushta në Bullgari hyri në klasifikimin e gazetës “Gardiën” të 10 udhëtimeve më piktoreske me tren në Evropë.
Lëvizja ndërkombëtare Slow Food – Ushqim i ngadaltë u formua në vitet 80-të të shekullit të kaluar. Paralelisht lindi edhe ideja, se një nga mënyrat për luftimin e jetës dinamike dhe tensionuar është nëpërmjet ushqimit. Slow udhëtimet gjithashtu janë një mundësi që njeriu të harrojë ditët plotë tension në qytetet e mëdha.
“Udhëtimet gastronomike janë një mundësi të ndihmohen prodhuesit bullgarë në situatën e rëndë ekonomike duke shkurtuar vargun midis tyre dhe konsumatorëve. Bashkësitë vendore, kultura e tyre mund të prezantohen edhe nëpërmjet ushqimit dhe njerëzve të cilët i prodhojnë. Ushqimi i mirë është me cilësi, i shijshëm dhe i shëndetshëm. I pastër do të thotë të jetë prodhuar në mënyrë e cila nuk i dëmton ambientit rrethues, për më tepër të ofrohet në çmime të përballueshme për konsumatorët dhe të drejta për prodhuesit.”
Ekaterina Terzieva mendon, se një tendencë gjatë muajve të ardhshme do të jetë forcimi i turizmit në nivel lokal.
“Tani është momenti të kërkojmë mundësitë për turizëm që ofrohen në vendin tonë, sepse Bullgaria është një vend i pasur. Duke filluar me burimet minerale pasurinë e bimëve kuruese të cilat na radhitin në vendin e dytë pas Himalajeve, kemi det dhe male të mrekullueshme – si male të tipit alpin të përshtatshme për sporte ekstreme, ashtu edhe të tilla me bjeshkë të buta si Rodopet dhe Stranxha të cilët ofrojnë pasuri të lidhura me shenjtëroret e lashta të trakëve. Mund të bëhet ashtu që pandemia t’u tregojë si turistëve bullgarë, ashtu edhe atyre të huaj, sa mundësi të pasura ka për turizëm dhe çlodhje.”
Sipas një anketimi interes ndaj turizmit të këtij lloje shfaqin një rreth të gjerë njerëzish. Ekaterina Terzieva mendon se ata janë njerëz të arsimuar që shfaqin interes ndaj gjërave interesante dhe kureshtare.
Përgatiti në shqip Svetllana Dimitrova
Fotografitë u siguruan nga Ekaterina Terzieva, arkiv personal, slowtours.bg
Makinat e Google Street View do të kalojnë sërish përmes Bullgarisë këtë vit. Në muajt e ardhshëm, ato do të vizitojnë mbi 25 qytete, duke përfshirë Smoljan, Zllatograd, Isperih, Kërxhali dhe Pernik. Synimi, përveç aktualizimit të imazheve të qyteteve..
Shpella “Biserna” hapet për vizitorët nga 6 prilli, njoftoi Bashkimi Turistik Bullgar. Shpella më e gjatë dhe më e bukur në Pllajën e Shumenit - "Biserna" tërheq mijëra njerëz çdo vit. Rruga brenda është e gjatë rreth 800 metra në një drejtim...
" А place of many stories " ose ndryshe "Një vend me shumë histori" - kështu titullohet videoja e fundit, e cila reklamon mundësitë për pushime verore dhe argëtim në bregdetin tonë jugor të Detit të Zi. Videoja ka për qëllim kryesisht tregjet e..
Këtë vit moti është në anën e turizmit bullgar! Falë temperaturave të larta, pushimet e fundjavës në male apo në fshat janë “aktivizuar” tashmë që në..
30% e hoteleve në pushimoren Sllënçev Brjagnë Detin e Zi do të hapen më 1 maj. Bëhet fjalë për hotele të kategorisë së lartë për të cilët janë bërë..