Radioja Kombëtare Bullgare © 2020 Të gjitha të drejtat janë të rezervuara

Ciceronët në Bullgari kërkojnë ndihmë

Nikollaj Mindov për Radio Bullgarinë: Ciceronët janë një nga hallkat më të rëndësishme të biznesit turistik

Foto: BGNES arkiv

Pandemia e Covid-19 la pa punë mbi 1400 ciceronë bullgarë për shkak të kufizimeve të lidhura me udhëtimet e turistëve bullgarë dhe të huaj. Situata pa analog shqetëson të ashtuquajturit “ambasadorë të vogël” të Bullgarisë, sepse ata janë pa të ardhura të sigurta që nga fillimi i vitit. Arsyeja për këtë është se muajit janar dhe shkurt tradicionalisht nuk sjellin të ardhura për ciceronët.

„Ne jemi një nga hallkat më të rëndësishme të biznesit turistik, ne jemi në vijën e parë, jemi ata, të cilët turistët shohin kur vizitojnë një vend – tha në intervistë për Radio Bullgarinë kryetari i Asociacionit të ciceronëve në Bullgari Nikollaj Mindov. – Nga ciceroni varret se si do të prezantohet shteti dhe në se turistët do ta vizitojnë atë përsëri. Ata janë njerëz, të cilët përgatiten për punën e tyre në vazhdim të shumë viteve. Ata tërë jetën përsosin aftësitë e veta dhe duhet të njohin tendencat më të reja. Përveç kësaj ndër ne ka njerëz me gjuhë të rralla – japonisht, kinezisht, dhe po të humbim ndonjë prej tyre, pastaj nuk do të mund të gjejmë kolegë të tjerë të tillë”.

Si shumë e ndërlikuar përshkroi situatën për ciceronët bullgarë Nikollaj Mindov dhe prognozoi ndonjë gjallërim gjatë korrikut apo gushtit, kur presim turistë të huaj në Bullgari. Duke folur për rivendosjen e udhëtimeve  të grupeve bullgare jashtë vendit, Mindov shpreson se kjo do të bëhet gjatë tetorit apo nëntorit, pavarësisht se “ende asgjë nuk është e qartë, sepse shumica e shteteve akoma nuk kanë hapur kufijtë e tyre, avionët nuk fluturojnë, asgjë nuk mund të thuhet me siguri”.

Për vëmendje të posaçme nga ana e shtetit mbi problemet e ciceronëve dhe për takim me ministrat përkatës insiston dhe kryetarja e Bashkimit të Ciceronëve në Bullgari Hristina Nedellçeva. Domosdoshmëria e këtij takimi vjen nga pamundësia e të punësuarve në këtë fushë të përdorin variantet e propozuara nga qeveria për kredi pa interes apo për masën e ashtuquajtur “60/40”.

“Shpresojmë se do të na kushtojnë vëmendje, sepse tani për tani nuk ka ndihmë financiare posaçërisht për ciceronët. Nën 5% janë ata, të cilët kanë pasur mundësi të përdorin masën “60/40”, kurse për marrjen e kredive kundër krizës njerëzit në sektor nuk u përgjigjen kritereve” – tha Hristina Nedellçeva. Kompensime për kohën, në të cilën nuk mund të punojnë, pret dhe Nikollaj Mindov, sepse shumë prej kolegëve të tij janë persona që vetë paguajnë kontributet e tyre të sigurimit, apo kushtet e kontratave të tyre të punës nuk lejojnë marrjen e ndihmës në ndonjë formë tjetër.

“Në shumë shtete të tjera evropiane kolegët morën ndihmë të njëhershme financiare për 2 apo 3 muaj” – shpjegoi kryetari i Asociacionit të Ciceronëve në Bullgari, në të cilin anëtarësojnë rreth 500 vetash.

Përfaqësuesit e sektorit turistik shpresojnë se protesta e dytë kombëtare e planifikuar më 15 qershor e transportuesve turistikë, turpoeratorëve dhe ciceronëve, do të jetë një hapë përpara për zgjidhjen e problemeve të degës. Kryetarja e Bashkimit të Ciceronëve në Bullgari Hristina Nedellçeva parashikon se në protestë do të përfshihen dhe anëtarët e Bashkimit me seli në Varnë, në të cilin marrin pjesë 250 ciceronë.

„Ne përkrahim kërkesat e firmave të transportit, sepse punojmë së bashku me ta. Gjatë kohës së ekskursioneve kalojmë 50% prej kohës bashkë me shoferët në autobus dhe jemi një ekip. Puna jonë e përbashkët është me rëndësi të madhe për suksesin e udhëtimit dhe për përshtypjen e mirë të turistëve. Prandaj do të marrim pjesë në protestën e organizuar nga ata”.

Përgatiti në shqip: Jordanka Ivanova

Foto: BGNES dhe guidesbg

Më shumë nga rubrika

Vrapuesi Vlladimir Stavrev

Ultramaratonisti Vlladimir Stavrev popullarizon itinerarin më të gjatë turistik në Bullgari

Ultramaratonisti Vlladimir Stavrev filloi vrapimin e një distance prej 721 kilometrash në itinerarin “Danubi Ultra” i cili është paralel i rrjedhës së lumit Danub nga fshati Kudelin deri në fshatin Duran Kullak pranë Detit të Zi. Maratonisti tashmë..

botuar më 20-08-04 11.20.PD

Burimet minerale, kultura, historia dhe vera do të tërheqin në Bullgari turistët japonezë

“Isha shumë i befasuar nga destinacionet dhe atraksionet e shumta në Bullgari.” Këtë e deklaroi Ambasadori i Japonisë në Bullgari Hiroshi Narahira, pasi u njoh me mundësitë për turizëm shëndetësor në Bullgari. Ato u prezantuan nga kryetarja e..

botuar më 20-08-03 7.58.MD

Kalim deri në majën Murgavec dhe akoma mundësi të tjera për një pushim aktiv i tërheqin turistët në qendrën turistike Pamporovo

Qendra turistike  Pamporovo organizon më 1 gusht  një kalim turistik nëpër rrugën e re malore deri në majën e dytë për nga lartësia në rajonin e vendpushimit - Murgavec (1859 metra) dhe Parkun Aventuresk “Jazovira”. Ngjarja është pjesë e iniciativës së..

botuar më 20-08-01 6.30.PD