Gjatë gjithë muajit shkurt nuk ka vende për akomodim në Bansko, informoi korrespondentja e BNR, Keti Trençeva. Turistët janë nga disa kontinente, duke përfshirë Izraelin, për shkak të Kupës Botërore të Skive për meshkuj që do të zhvillohet në fund të javës. Përveç kësaj, resorti ynë më i famshëm dimëror do të reklamohet në kanalin televiziv CNN Turk në segmentin më të ndjekur - parashikimin e motit. Kontrata u nënshkrua për tre muaj nga kryetari i Bashkimit të Biznesit të Turizmit, Malin Bistrin, i cili e bëri të ditur lajmin nga Stambolli, ku sot u hap një nga ekspozitat më të mëdha turistike në Evropë. “Ne marrim pjesë në të gjitha veprimtaritë e mundshme, që të dëgjohet emri i pushimores Bansko, që të dihet se është kryeqyteti dimëror jo vetëm i Ballkanit, por edhe i Evropës Lindore”, theksoi Bistrin. Korrespondentja shtoi, se pas prezantimit të suksesshëm në ekspozitat turistike në Britaninë e Madhe, Spanjë dhe vendet skandinave, aktualisht përfaqësues të biznesit turistik nga Bansko ndodhen në Stamboll.
Televizioni japonez Fuji TV filmoi episode të cilat ia prezantojnë Bullgarinë shoqërisë japoneze. Procesi i xhirimeve u krye në bashkëpunim me Ambasadën e Bullgarisë në Tokio, njoftoi përfaqësia jonë diplomatike. Nisma, e cila synon të..
Makinat e Google Street View do të kalojnë sërish përmes Bullgarisë këtë vit. Në muajt e ardhshëm, ato do të vizitojnë mbi 25 qytete, duke përfshirë Smoljan, Zllatograd, Isperih, Kërxhali dhe Pernik. Synimi, përveç aktualizimit të imazheve të qyteteve..
Shpella “Biserna” hapet për vizitorët nga 6 prilli, njoftoi Bashkimi Turistik Bullgar. Shpella më e gjatë dhe më e bukur në Pllajën e Shumenit - "Biserna" tërheq mijëra njerëz çdo vit. Rruga brenda është e gjatë rreth 800 metra në një drejtim...