62 për qind e bullgarëve kanë frikë se mund të infektohen me COVID-19, tregojnë të dhënat e një sondazhi të asociacionit Gallup International. 58 për qind janë bullgarët të cilët besojnë në teoritë konspirative dhe kanë deklaruar se virusi është përhapur me dashje.Që të mund të shpërndahet frika e njerëzve tashmë filloi punë një këshill mjekësor dhe një sajt i specializuar.
Detyra e Këshillit të porsaformuar Mjekësor pranë qeverisë është që të analizojë rekomandimet sa i përket COVID-19 në vendet, ku sëmundja është më e përhapur, dhe t’i përkthejë kuptueshëm për mjekët në Bullgari. Në këtë mënyrë çdo specialist do të marrë instrument pune, është i mendimit specialisti për sëmundjet e mushkërisë prof. Kosta Kostov, shef i organit të specializuar.
Sipas fjalëve të tij fakti se nuk ka preparate për neutralizimin e sëmundjes nuk do të thotë se nuk ka mjekim: “Teza se koronavirusi nuk mund të mjekohet nuk është e vërtetë, sepse mjekët në tërë botën kanë arritur t’i mjekojnë sëmundjet edhe kur nuk ka pasur ilaçe.”
“Tërë informacioni në rrjetin botëror për dëmin e të ashtuquajturave “antipiretikë” (për shembull Ibuprofeni) në rastet e koronavirust është tepruar – tha prof. Kosta Kostov. Në një intervistë për Radion Kombëtare Bullgare (BNR) ai rekomandoi: Njerëzit të cilët janë në shtëpi dhe vuajnë nga simptoma virale duhet të përdorin ilaçet e zakonshme dhe të mos tremben – sidomos të rinjtë. Në qoftë se ditën e katërt simptomat thellohen atëherë duhet të kontaktojnë me mjekun e tyre familjar. Kështu duhet të bëjmë dhe jo të kërkojmë menjëherë ndihmë mjekësore në spitale dhe të bëjmë teste. Ka problem, kur ka vështirësi në frymëmarrje dhe simptoma të tjera, të cilat i përkasin mushkërisë – kollitja e thatë, dobësia e madhe, dhimbja në muskuj, temperatura e lartë. Këto janë simptomat më të spikatura të sëmundjes.”
Prof. Kosta Kostov përkrah masat më të rrepta për kufizimin e përhapjes së infeksionit të koronavirusit.“Gjatë muajit të parë këto masa duhet të jenë shumë të rrepta.Sa më strikt respektohen masat, kaq më herët do të mund t’i braktisim dhe atëherë do të kemi fatin e mirë të dalim lehtë nga kjo epidemi” – komentoi specialisti.
Sajti CoVid-19 ka qëllim të sigurojë informacionin sa më aktual dhe të besueshëm për përhapjen dhe mjekimin e koronavirusit.Përkthyes profesionalë dhe specialistë mjekësorë kërkojnë dhe përkthejnë vullnetarisht artikuj të dobishëm nga tërë bota kushtuar kësaj teme.
“Aktualisht shkenca nuk ka kohë për të kaluar në rrugën e zakonshme – shpjegoi para BNR-së Nadezhda Cekullova – iniciatore për krijimin e sajtit.
Mjekët duhet të gjejnë vendim sot dhe ata kanë nevojë për një variant, i cili mund të mos jetë më i miri, por do t’i ndihmojë në punën e tyre. Shumica e artikujve paraqitin pak raste dhe qëllimi është që ato më tepër të përvijojnë mundësitë nga të cilët eventualisht mund të përfitojnë mjekët.”
Sipas prof. Kosta Kostov kulmi i epidemisë së koronavirusit në Bullgari ende nuk ka ardhur.
Përgatiti në shqip: Vesella Mançeva
Foto: arkiv personal, BNR
Më thuaj çfarë ke në tavolinë që të të them se çfarë je duke festuar. Kështu, me shaka mund të shikojmë kalendarin bullgar të festave nga e kaluara deri në ditët e sotme. E vërteta është se tryeza ka qenë gjithmonë një element shumë i rëndësishëm i jetës..
61 për qind e prindërve në Bullgari mbështesin vaksinat e detyrueshme dhe 95 për qind e mjekëve të përgjithshëm këshillojnë prindërit që të vaksinojnë fëmijët e tyre për t'i mbrojtur ata nga një sërë sëmundjesh. Këtë e tregon një anketim përfaqësues..
Përfshirja e të drejtës së abortit në Kartën e të Drejtave Themelore të BE-së – këtë e mbështeti shumica në Parlamentin Evropian dhe tregoi një përgjigje vendimtare ndaj sulmeve në rritje ndaj grave dhe të drejtave të tyre nga e djathta ekstreme..
Dita e Kryqëzimit të Krishtit është më e trishtuar për komunitetin e krishterë, e vetmja në të cilën nuk shërbehet Liturgjia e Shenjtë. Nuk ka as..
54% e punëtorëve në vendin tonë thonë se janë në kërkim të një pune të re ndërkohë që janë në pozicionin e tyre aktual dhe arsyeja kryesore për këtë..
Numri i kandidatë studentëve bullgarë që dëshirojnë të studiojnë arsimin e lartë jashtë vendit u rrit me 60% krahasuar me vitin 2023, tregojnë të..