21 janë të infektuarit e rinj me COVID-19
Rastet e reja të COVID-19 në Bullgari tashmë janë 264. Ka dy qytete të reja në hartën e sëmundjes – Kërxhali dhe Haskovo (Bullgari Jugore). Pas dy kampioneve negative nga spitali dolën 8 persona të shëruar, pritet se nesër në shtëpi do të kthehet pacienti i nëntë që tashmë është i shëndoshë.
Ushtarët bullgarë jashtë vendit janë testuar dhe mostrat e dy prej tyre pozitive – njëri është nga misioni në Kosovë, tjetri – në Rumani. Ushtari nga Kosova tashmë ndodhet spital në Sofje, ai është pa simptoma klinike. Tjetri është në spital në Bukuresht.
Masat kundër epidemisë në Bullgari vazhdojnë deri më 12 prill
Ministri i shëndetësisë Kirill Ananiev zgjati afatin e masave kundër epidemisë. Deri më 12 prill mbeten të mbylluar të gjitha shkollat, çerdhet dhe kopshtet e fëmijëve. Njerëzit në moshë nën 60 vjeç nuk duhet të vizitojnë dyqanet ushqimore dhe farmacitë midis orëve 8.30 dhe 10.00. Lëvizja midis qyteteve të mëdha gjithashtu nuk bëhet lirisht. Në këtë situate Ministri i arsimit Krasimir Vëllçev ishte kategorik se nuk do të anulohet viti shkollor, as do të shtyhen provimet e maturës.
Zyrat konsullore bullgare pezullojnë lëshimin e dokumenteve personale
Zyrat konsullore të Bullgarisë përkohësisht nuk do të kryejnë shërbime, të cilat nuk janë urgjente. Shërbime të tilla janë ndërrimi i dokumenteve personale, informuan nga Ministria e Punëve të Jashtme.
Në se ka nevojë për udhëtim urgjent për në Bullgari të ndonjë shtetas bullgar, Zyrat konsullore kanë udhëzime sipas të cilave do të punojnë dhe do të lëshojnë pasaporta të përkohshme.
Ndërpriten sesionet e rregullta të Kuvendit Popullor
Deputetët do të mblidhen vetëm në lidhje me punën ligjvënëse të lidhur me gjendjen e jashtëzakonshme në vend dhe për votimin e ndryshimeve të ngutshme normative. Në përputhje me rregulloren parlamentare Kuvendi Popullor mund të thirrjet për mbledhje në çdo kohë me iniciativë të Kryetarit të parlamentit, me kërkesë të 1/5-ës prej deputetëve ose me kërkesë të të paktën 48 deputetëve, me iniciativë të presidentit ose të Këshillit të Ministrave.
Bullgaria dhe Hungaria insistojnë për koordinim më të mire për korridoret e transportit
Për sigurimin e korridoreve të shpejta të transitit, sidomos për mallrat më të përdorura, me rekomandim të KE-së, ka nevojë për vendim të Këshillit të BE-së. Këtë e tha Zëvendëskryeministrja dhe Ministrja e punëve të jashtme Ekaterina Zaharieva në brifing bashkë me Ministrin e punëve të jashtme dhe tregtisë të Hungarisë Peter Szijjarto. Sipas Zaharievës si shtet kufitar i Bashkimit Evropian Bullgaria i ka ndier sfidat e sigurimit të korridoreve të shpejta të transitit. Shteti ynë së bashku me Turqinë bën përpjekje që të sigurojë lëvizjen e mallrave dhe të mos ketë bllokime në rrugët nga Turqia për në BE dhe anasjelltas. Szijjarto nënvizoi se ka nevojë për koordinim më të mirë ndërmjet vendeve për zgjidhjen e problemit me radhët e mëdha të kamionëve në pikat e kontrollit kufitar.
Stimuj financiarë për nëpunësit e spitaleve
30 mln. euro sigurohen në përkrahje të mjekëve dhe personelit jomjekësor, të cilët punojnë në linjën e parë të betejës kundër COVID-19. Kjo garantohet me nënshkrimin e marrëveshjes nga ana e Ministrisë së Shëndetësisë në kuadrin e programit operativ “Zhvillimi i resurseve njerëzore”. Mjetet do të sigurojnë shtesë mbi pagën e 14 mijë nëpunësve, të cilët do të marrin nga 511 euro më shumë me rogën e tyre për muajin mars. Projekti parashikon dhe punësimin e më shumë njerëzve, të cilët do të ndihmojnë përpjekjet e mjekëve kundër infeksionit. Është planifikuar dhe blerja e pajisjeve personale dhe kolektive mbrojtëse.
Mund të ndiqni informacionet më të rëndësishme të lidhura me COVID-19 në Bullgari në seksionin tonë të posaçëm në gjuhën shqipe.
Instituti për Ekonominë e Tregut raportoi se sivjet punonjësve bullgarë iu deshën 134 ditë për të paguar borxhet e tyre ndaj thesarit të shtetit. Kjo është një datë hipotetike në të cilën do të rimbushim thesarin e shtetit nëse gjithçka që..
Bullgaria nuk pranon deklarata dhe sjellje në kundërshtim me Traktatin e Miqësisë, Fqinjësisë së Mirë dhe Bashkëpunimit të vitit 2017, si dhe me traktatet e tjera ndërkombëtare që ka nënshkruar Maqedonia e Veriut. Kështu deklaroi presidenti Rumen..
Pjesa e popullsisë në rrezik të varfërisë ose përjashtimit social në Bullgari mbetet e lartë dhe pabarazia e të ardhurave është e konsiderueshme. Kjo theksohet në dokumentin e punës të Komisionit Evropian për konvergjencën sociale të vendeve anëtare..
Personat joaktivë në tregun e punës në Bullgari janë mbi një milion. Ata nuk studiojnë, nuk punojnë, nuk kanë regjistrim në zyrat e punës. Kjo “ushtri”..
Grupet e punës ndërdikasteriale do të punojnë për të përshpejtuar zbatimin e projekteve për ndërtimin e kapaciteteve të reja bërthamore në sheshin e..
Gjatë natës do të mbizotërojë mot i vranët, me reshje të dobëta shiu. Temperaturat minimale do të jenë ndërmjet 6° dhe 11°, në Sofje rreth 8°...