Ka te infektuar të rinj me COVID-19 në Bullgari, 6 janë të vdekurit
Numri i njerëzve të prekur nga virusi i ri në Bullgari në orën 17.00 më 28 mars është 331 veta, informoi udhëheqësi i shtabit kombëtar për koronavirusin gjeneral major Vencisllav Mutafçijski. Tashmë ka 6 të vdekur, 9 janë njerëzit e shëruar. Me qëllim parandalimin e koronavirusit, shtabi operativ shpalli se do të organizojë nga një brifing në ditë, jo siç ishte deri tani – nga dy. Brifingu për mediat do të zhvillohet në orën 17:00 sipas orës lokale në Bullgari.
Bullgaria jepet si shembull për masat kundër pandemisë
Kryeminisri Bojko Borisov tha në brifing në Këshillin e Ministrave se deri tani Bullgaria jepet si shembull për këtë se si duhet vepruar në mënyrë të saktë dhe adekuate në kushtet e epidemisë. “Miku im Boris Johnson më tha se nuk duhet të ketë karantinë”, tha ai dhe komentoi se ky ka qenë një vendim i mirë. Sipas tij duhet të ketë veprime të bashkërenduara evropiane në këtë krizë, sepse pasi e kapërcejmë do të kemi nevojë për para për rivendosjen e ekonomisë. “Më e rëndësishmja pas krizës është t’i rruajmë vendet e punës në mënyrë që ndërmarrjet të fillojnë punë menjëherë pas krizës” – ishte kategorik Kryeministri.
Pyetja kryesore është sa do të vazhdojë kriza: “Bota ka para për rreth 3 muaj, por në se kriza zgjat më shumë, atëherë nuk do të dimë se si t’i organizojmë paratë në kohë” – komentoi Borisovi dhe shtoi se e rëndësishmja është që të sigurohen mjetet për njerëzit në linjën e parë në betejën kundër koronavirusit
Pranë Drejtorisë së Mbrojtjes nga Zjarri po krijohet një shtab me vullnetarë, në të cilin tashmë janë përfshirë 3000 veta. Ata do të kenë detyra të ndryshme të lidhura me dezinfektimin e hapësirave publike apo me ndihmë për njerëzit e moshuarit apo të sëmurë.
Shteti do të kompensojë të gjithë punëdhënësit me humbje mbi 20%
Partnerët në Këshillin Kombëtar për Bashkëpunim Trepalësh arritën mirëkuptim për skemën e propozuar nga qeveria për kompensimin e bizneseve, të cilat janë prekur nga masat kundër koronarirusit me qëllim ruajtjen e vendeve të punës. Këshilli mblodhi në një tryezë përfaqësuesit e sindikatave, qeverisë dhe biznesit dhe ata u dakorduan që të gjithë punëdhënësit do të mund të përdorin këto kompensime. Ndihmë do të marrin si bizneset e mbyllura për shkak të gjendjes së jashtëzakonshme, ashtu dhe kompanitë, të cilat mund të provojnë rënien e të ardhurave të tyre të paktën 20%.Sipas kësaj skeme shteti do të paguajë 60% prej rrogave të punëtorëve në firmat e prekura.
Prognozojnë uljen e çmimeve të ushqimeve dhe vështirësi për bankat
Rritja e kërkimit të ushqimeve që nga fillimi i epidemisë së COVID-19 do të çojë në kërkim më të ulët dhe prandaj tregtarët do të jenë të detyruar të ulin çmimet për t’i shituar mallrat – prognozoi në intervistë për Televizionin Kombëtar Bullgar drejtori i Bursës së Mallrave të Sofjes Vasill Simov. Ndërkohë bankieri Levon Hamparcumjan parashikon se viti do të jetë i vështirë për bankat dhe për klientët e tyre. Sipas tij rekomandimi i Bankës Qendrore Evropiane për liberalizimin e rregullave për dhënien e kredive nuk do të thotë se kreditë duhet të jepen më lehtë, por se ka nevojë për fleksibilitet dhe vlerësim të mirë të rrezikut. Ai prognozoi dhe rritje në shitjet online në vend të pagimeve me para në dorë.
Provimet pranuese universitare tashmë zhvillohen online
Në situatën e gjendjes së jashtëzakonshme për shkak të epidemisë me COVID-19 Universiteti Teknik në Sofje për herë të parë zhvilloi online provim pranues të matematikës për maturantët, të cilët dëshirojnë të ndjekin studimet e larta në këtë universitet. Provimi ishte ndarë në dy pjesa nga 120 minuta me një pushim 15-minutash. Secili maturant zhvilloi lidhje video me mbikëqyrësin e vet. Provimi tjetër paraprak, i cili do të organizohet në këtë mënyrë është planifikuar për datën 11 prill.
Mund të ndiqni informacionet më të rëndësishme të lidhura me COVID-19 në Bullgari në seksionin tonë të posaçëm në gjuhën shqipe.
Informacion aktual për koronavirusin dhe për masat parandaluese në Bullgari do të gjeni në akoma nëntë gjuhë – në seksionet e gjuhëve të huaja të Radio Bullgarisë.
Pa debat dhe unanimisht, deputetët miratuan ndryshimet në Ligjin për Lojërat e Fatit, duke ndaluar reklamimin e lojërave të fatit në media. Përjashtim bëhet vetëm për transmetimin e tirazheve të totalizatorit shtetëror sportiv bullgar pranë Ministrisë..
Pjesëmarrja e denjë e ushtrisë bullgare në operacionet dhe misionet e NATO-s dhe BE-së e bëri Bullgarinë një partner të dëshirueshëm për përgatitjet dhe stërvitjet e përbashkëta, të cilat janë jashtëzakonisht të nevojshme në kushtet e operacioneve..
Një seri shpërthimesh dhe helmimesh në Evropë - përfshirë në Bullgari të tregtarit të armëve Emilijan Gebrev - të organizuara nga njësia 29155 e Drejtorisë kryesore të Inteligjencës së ushtrisë ruse, janë koordinuar nga Nikollaj dhe Elena..
Vendimi për krijimin e një spitali privat për fëmijë, i cili u anulua mbrëmë, u mor në kushtet e një ndërprerjeje informacioni, tha..
Gjatë 24 orëve në vijim , vranësirat do të mbeten të konsiderueshme. Të mërkurën reshje shiu, përkohësisht intensive, do të ketë në më shumë..
Për herë të parë, Bullgaria ka një afat konkret për anëtarësimin në Organizatën për Bashkëpunim dhe Zhvillim Ekonomik (OECD). Këtë e ka bërë të ditur..