Tradita kineze mori jetë në kuadër të Festivalit të parë dyditor të Varkave të Dragoit në vendin tonë, i cili është pjesë e aktiviteteve të shumta në programin "Vera me kulturën kineze në Bullgari" (qershor-gusht).
Gara shumëngjyrëshe zgjoi interesin e entuziastëve - më shumë se 20 ekuipazhe me 10 ose 20 rremtarë matën forcat e tyre në garën e kanotazhit të sinkronizuar dhe shpejtësisë.
Veprimtaria sportive synon të popullarizojë këtë sport në vendin tonë, pasi në vitin 2025 Bullgaria do të jetë mikpritëse e Garës Botërore me Varkat e Dragoit të Klubeve. Ai do të mbahet në qytetin tonë Ruse pranë lumit Danub, ku pritet të mbërrijnë më shumë se 100 ekipe dhe afro 40000 entuziastë nga e gjithë bota.
Ata që nuk u përfshinë në garat sportive patën mundësinë të mësonin për lojërat tradicionale kineze, zanatet, veshjet dhe kuzhinën - demonstrimet ishin pjesë e programit të Festivalit të Varkave të Dragoit pranë Pançarevos.
"Shpresojmë që çdo ngjarje e kalendarit kulturor të kësaj vere të lërë një gjurmë unike në shkëmbimin kulturor midis Bullgarisë dhe Kinës, të bëjë që zemra e çdo pjesëmarrësi të rrahë në sinkron dhe të shkaktojë një reagim të pandërprerë," thonë organizatorët nga Ambasada e Republikës Popullore të Kinës në Bullgari dhe Qendra Kulturore Kineze në Sofje.
Lexoni më tepër:
Përpiloi: Elena Karkallanova
Përgatiti në shqip: Vesella Mançeva
Foto: BGNES dhe Elena Karkallanova
Edhe qytezat e Krishtlindjes sjellin gëzim dhe atmosferë festive... Foto: Krasimir Martinov
Reshjet e dendura të borës dhe erërat e forta uragane më 25 dhe 26 nëntor e ndërlikuan situatën në mbarë Bullgarinë. Gjysmë milion familje kanë mbetur pa energji elektrike, në disa vende ka pasur edhe ndërprerje të furnizimit me ujë. Për..
E vendosur në pjesën perëndimore të malit Rodopa në komunën e qytetit Çepellare , fshati piktoresk Orehovo është ndër vendbanimet më të preferuar për t’u vizituar në malin Rodopa. Ndodhet 60 km në jugperëndim të qytetit Plovdiv dhe rreth 200..
Në Bullgarinë Perëndimore, rreth njëqind kilometra në jugperëndim të Sofjes, qyteti Zemen, i vendosur në brigjet e lumit Struma dhe rrethinat e tij nuk..