Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Në Paris u prezantua muzikë popullore dhe muzikë kishtare-sllave bullgare

Para audiencës franceze dhe bullgare u realizuan dy koncerte nga Kori Popullor Akademik, i drejtuar nga Prof. Kostadin Buraxhiev

Foto: YouTube / @AcademicFolkChoir

Shembuj të jashtëzakonshëm të kulturës muzikore bullgare u prezantuan para publikut francez. Shfaqjet e Korit Popullor të Akademisë së Muzikës, Valleve dhe Arteve të Bukura në Plovdiv "Prof. Asen Diamandiev", me dirigjent prof. Kostadin Buraxhiev, i mbushën sallat dhe shkaktuan duartrokitje të gjata.

Dy koncertet në Paris, të cilat u mbajtën disa ditë më parë, u organizuan me rastin e festës sonë kombëtare, 3 marsit, nga dy shoqata për shkëmbim kulturor bullgaro-francez - Art Gallery Constantin, udhëhequr nga mjekët bullgar Dr. Konstantin Nikollov dhe bashkëshortja e tij Dr. Elena Radeva-Nikollova, dhe shoqata Artavenir, me drejtoreshë Jordanka Kostadinova.

Koncerti "Misteret nga kohët e largëta" në kishën "Shën Elisaveta e Hungarisë" në kryeqytetin francez prezantoi pesëmbëdhjetë vepra të muzikës kishtare-sllave të kompozitorëve bullgarë dhe rusë.

Eventi i dytë, i titulluar "Këngët e Orfeut", u mbajt në Kishën Amerikane në qytet pikërisht në Ditën Kombëtare të Bullgarisë - 3 mars. Në këtë koncert u interpretuan vepra folklorike të autorëve bullgarë, si Ivan Vëlev, Krasimir Kjurkçijski, Ivan Spasov e të tjerë.
Kohët e fundit, Kori Popullor Akademik festoi 50 vjetorin e krijimit dhe tani ka një arsye tjetër për të festuar - 20 vjet nën udhëheqjen e prof. Kostadin Buraxhiev, me të cilin fituan një sërë çmimesh në Bullgari dhe në mbarë botën.

Një shembull i mrekullueshëm i mjeshtërisë së Korit Popullor Akademik, është një nga regjistrimet e tij të fundit në studio nën drejtimin e Kostadin Buraxhiev - kënga popullore "Mbeti Llalica" me aranzhim të Kirill Stefanov, soliste - Janica Stamenova.

Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Kori "Vanja Moneva" feston 30 vjetorin e krijimit

Tashmë tre dekada zërat kozmikë të këngëtareve në një nga koret më të njohura folklorike bullgare, nën drejtimin artistik të Vanja Monevës, emocionojnë publikun në vendin tonë dhe në mbarë botën. Kori "Vanja Moneva" feston përvjetorin e..

botuar më 24-04-30 8.20.PD

Grupi MOLEC dhe "Nuk ka rëndësi"

Grupi MOLEC vazhdon të emocionojë fansat e tij me projekte dhe shfaqje të shumta në Bullgari dhe jashtë saj. Vetëm pak ditë më parë, një nga grupet më të suksesshme bashkëkohore bullgare u kthye nga Londra - destinacioni i fundit i turneut të tyre..

botuar më 24-04-29 7.45.PD

Koncert i Korit të Dhomës së Sofjes "Vasill Arnaudov"

Në vitin 2024, Shtëpia e Kulturës e Institutit Kulturor Komunal "Sredec" në Sofje feston 50 vjet nga themelimi i saj - rast që stafi i Shtëpisë po e shënon me një sërë ngjarjesh. Ndër to është edhe koncerti i Korit të Dhomës të Sofjes “Vasill..

botuar më 24-04-25 8.10.PD